Runglianceu hi paih phun tam ngai a thiam ko nain kehlei vangkhen lawng hi a miteinak kuat a si. Cucu fawi tuk in ai phet khawh ding Ukling nih a theih tuk cang. Hi ruang ah 2017 ah khan Ukling a liang ilh buin minute 25 chung ah Runglian nih a rak tengh khawh lo kha a si. Tangkop ah cun dawh ngai in a tei ko.

Hmaizarh cu tangkop phak hlan ah Ukling nih a tei hrimhrim lai ka zumh. A ngiar nak sau tuk cang, a ngamh tuk fawn tikah kei cu 100 bak Ukling ka zumh. Kan hnulei a ttialmi rel chih. Rung Lian Ceu vs Uk Ling Thang: fight of the decade. Tulio a nungmi Laipa lakah hodah paih thawng bik timi cu January 18 ah kan thei cang lai. Atu an i tei hnu ah cun cu-kha-ba-ngia um ti hlah seh, a teitu cu ‘Undisputed Chin World Champion’ tiah auh ding a si cang.

Tampi nih Rung Lian Ceu nan zumh deuh ko lai, nain kei cu Ukling Thang ka zumh deuh. Ukling lei in $1,000 bet ka ngamh. Runglian lei bet a ngamhmi ka chim te u. Anmah pahnih an i phomh than khawhnak ding hi kum hnih chung hehchet tiah volhpamh le huat i huah in ka cawlcang nain a rak si kho lo, January 18 ah cun kei le mi tampi kan lungthlitum a tling cang lai tinak a si. Credit: Salai Lungthli Tum