Salai Lung Thli Tum Le Pu Zo Bawi Zong Nih CNLD An Hruai Ahcun Kan Dirpi Thotho Hna Lai

CNLD Upa Hi Midang (Anih Anih) Hna Nih Kan Hruai Hna Sehlaw Kan Dir Pi Ko Hnga Ati Tu Pawl Hi Mi Depde Nan Si. Nan Zia Tthin Cang Uh. CNLD policy le vision soiawk ngaingai nan thei ti lo caah adonghnak ahcun CNLD Upa Lutlai te thangchiat le pumpak min tiang hmang in CNLD cu nan doh. Apoi ah ka chia lo nan tha a dii men.

Lian Hmung Sakhong, Zing Cung le Hre Mang etc…te pawl nih CNLD cu hruai hna sehlaw kan dirpi tuk hnga tiah minfang kheh bak in nan chim hoi. Nan depde bia asi. No Than Kap, Zozam etc. pawl hi Upa si hna hlah sehlaw CNLD zong kan dirpi ko hnga tiah nan lih lawngte in politic nan kher rih.

Lian Hmung Sakhong, Zing Cung le Hre Mang nih CNLD hi rak hruai taktak hna sehlaw asoi hmasa cem dingmi le an thang chiat aa zuam dingmi cu nanmah NLD uar pawl thotho nan si ko lai. Pastor pi nih a piangthar lo e nan ti hna lai. CNF santlaihlo nak tiang nan kawl lai i nan thanchiat thotho hna lai. CNLD ahcun vanmi hmanh nih hruai hna sehlaw khuachia asi a ti tu ding pei nan si ko cu.

CNLD kan dirkamh nak a sullam cu NoThan Kap, Zozam le Ngaisak kan uar tuk hna caah asi lo. CNLD Chin Party ansi ruang le an policy kha kan dir pi mi asi. Salai Lung Thli Tum le Pu Zo Bawi zong nih CNLD an hruai ahcun kan dirpi thotho hna lai. Tha kan pek thotho lai. Thla kan caampiak hna ko lai. Cucu CNLD dirkamh tu pawl kan ruahnak le kan lunput a si. Depde le hrawkhrol phun in bia hi chim ti hlah u law a tha lai. Credit: Jacob R. Thang