Chin ramkulh Cozah nih ziknawh le eihmuar nak an tuah timi bia an chim hi cu ka khuaruahhar ngaingai tiah Chief Minister Salai Lian Luai nih a chim.

“Ziknawhnak an tuah, an eihmuar tuk timi bia an chim mi cu ka theih pah tak ko. Phaisa lei in eihmuarnak, ziknawh nak, a dik lo ning in rianttuan nak a um ahcun report rak tuah uh kan ti lengmang ko hna. Tender soknak le i peknak kong zong ah ziknawh nak a um ahcun report rak tuah uh. A herh ahcun Rampi president sin tiang ah kan phak pi lai, ziknawh nak a tuahtu paoh cu dantatnak kan pek hna lai tiah kan chim peng. Report nak le a hohmanh nih an tuah fawn lo. Chin ramkulh Cozah nih ziknawh eihmuar nak an tuah ti ah le an chim peng fawn hi cu khuaruah har a si ko” tiah Salai Lian Luai nih a chim hi asi.

“Tender a sok mi paoh nih an hmuh lo tikah soiselnak a um ti cu ka theih. Tender pakhat hna minung 30 nih an sok, cu chung ah minung pakhat nih a hmuh i Tender a hmu lomi minung 29 nih soiselnak an tuah ti khi asi. A si nain keimah cu Tender kong ah ka thianghliam, dingfel taktak in ka um i dik te le hman tein um kaa zuam. Tender zong phung ning bantuk in tuah, mipi sinah theihfiannak um seh timi a si. Cu bantuk tein a fel bik in ka tawlrel ko. Ziknawh mi ah kaa tel lo. Ziknawh nak a um an timi zong khuaruah har a si” tiah a chim fawn. Chirhchan: Chin World (v.o.m journal)