Salai Lian Lian Nih Ahawile Pahnih Kawlram An Tlunnak Ah Tam Ngaite A Rak Bawmh Hna

Chin News

Chin Miphun nih upatnak an pek ngaimi le a konglam theimi nih an upatnak ngaimi Salai Zung Kip Thang nih China ram in ahawipa Salai San Uk Lal cu harsatnak phunkip tuar in a hringtu a nulepa hmaiah le a chuahkehnak khua ah a ruak cu a phak i a thil tuahmi ruangah upatnak an pek i bawmhnak tete zong an pek.

Image result for Zung kip thang"

Salai Zung Kip Thang thil tuahmi cu upatnak tlak taktak le zohchun tlak taktak a si tiin le ahawile pahnih Salai Zung Kip Thang le Salai San Uk Lal kawlram lei an tlun lioah kawlram tluang tein an phak khawhnak hnga ding caah tiin an hawipa Salai Lal Lian Thang nih China in Yuan 10,000 (Myanmar in Ting 20) a rak kuat hna ti a si. Hi bawmhnak a pekmi thawngin Salai Zung Kip Thang zong phaisa leiah lungretheihnak ngaingai a ngei lo i Falam khuapi a phak khawhnak zong hi a si.

Image result for Zung kip thang"

An konglam a rel khawh a si. Falam khua Dawrhlun sang ah a um mi Pu Yan Lin Naung le Mi Mang Nei Par hna i an fapa pahnihnak Salai San Uk Lal (kum 21) cu China ram, Sandong ar thahnak Company ah rian a ttuan mi a si. December 20, 2019 in khan taksa dam lonak nih a tlak ve i a hawile pawl nih private Clinic ah an kal pi i doctor pawl nih nan hawipa San Uk Lal hi a cuap a ttha lo tiah an rak chimh cang hna. Cu tin a dam lo bak in Falam ah tlun a duhnak le sungno a nu zohkhenhnak in Rangoon ah thlawpbul a duhnak kong cu a hawi le sin ah a chim.

Image result for Zung kip thang"

A hawile zong nih hin an dawt, felfai tein an zoh khenh i an umnak Sandong, China ram in January 1, 2020 in khan Kawlram lei ah cun a rak i thawh. San Uk Lal cu a hawipa Salai Zung Thang nih a rak tlunpi hi a si. Cu ti cun Kawlram an rak tlun pah, Hotel an i dinhnak ahcun San Uk Lal cu a nunnak a liam hi a si.

Salai Zung Thang cu lampi ah a hawipa nih a rak thih tak tikah a ngaihchia tuk ve, a si nain a hawipa San Uk Lal ruak cu Falam a nulepa sin ah phak pi ding hrimhrim in biachahnak fel a tuah i raltha tein a rak tlunpi. China ram in Falam tiang a rak tlunpi nak ah harsatnak tampi a un ve. A caan ah lam le sul ttha a um lo i tupi chung lakah a hawipa San Uk Lal ruak cu a puak pah tawn. Cu ti te cu a hawipa ruak cu Falam khua tiang a rak phak pi hi asi. A caan ah harsatnak a um ko, a mah te lawng in a hawipa ruak a bultawl, pasalttha dirhmun ah a um i a hawipa a ruak cu tluang tein Falam tiang a rak phak pi hi asi.
Si

Leave a Reply