Salai Lahnin Nih An Nu Sii Chunhnak Kongah Thil Sining Fiang Tein A Chim. A Lungput Uar Umtuk Hringhran

Theihtlei

Salai Lahnin Nih An Nu Sii Chunhnak Kongah Thil Sining Fiang Tein A Chim. A Lungput Uar Umtuk Hringhran

 

Salai Lahnin nih tutan nupi a tonmi cu thil ruanh ahcun a poi ti pin cun chim awk a um lo, Vanchiatnak taktak khi si. Hi kongah Salai Lahnin nih an tonmi kongah thil sining a chim mi ruah tikah upat tlak taktak a rak sinak a lang taktak. Hi bantuk in midang kan cungah tlung ve sehlaw Salai Lahnin ruahnak a phan lo kan tampi kho men.

Salai Lahnin nih an tonmi kongah thil sining a chim mi cu ka nupi hi dom lo ngaiin a um. Cu tikah kanmah laimi, Hakha khuathar a simi, Malay khuasa minu sinah kan va i paih. Si cu a chunh i inn kan rak ttin. Sinain tthat lei a panh lo caah phone in kan chonh tthan i, thaizing ah rak ra tthan a ti i, a thaizing ahcun a va kal tthan.

Si cu a rak chunh tthan i, inn rak ttin tikah cun tthu dir kho loin a um cang. Zuallei a phanh tikah luakchuah le sivang taktak in a um cang. ti awk theih loin sizung i kan va i piah i sibawi te nih an check i an hmuh mi cu si ttha lo, a caan dih cang mi an chunh ruangah hi ti a umnak si,”tiah an chim. Cun an chim tthan rihmi cu sii nih hin anau inn le a kal lei tiangin a hnursuan caah an phin tiah siibawi te nih cun an chim.

Sibawi te nih an chim mi cu hi bantukin ho nih dah a chunh? sii ttha lo a petu hi chim law report kan tuah hna lai an ti. Sinain ka tuak mi cu kanmah le kanmah, Laimi le laimi cung i hi bantuk tiangtiang tuah ding cu ka duh lo caah chimh duh hna loin ka um,”tiah a chim fawn.

Cun kan nu sii a chuntu nih hin kan nu lawng si loin midang zong a rak chunh bal cang hna. Kan nu bantukin a chunh mi hna zong siizung ah an um ve nain annih tu cu tthat lei an panh ngai cang,”tiah a chim chih. Cun laimi cheukhat cu siizung kalnak le hloh tlamtlin lo ruangah amah sinah in an i piah tawn hna,’tiah a chim chih.

Credit: TCP

Leave a Reply