Salai Lahnin (Hebrew) Nih Malaysia ACR Hruaitu Pawl Cu Uico Tiah Fak Taktak In A Phomh Hna. A Ruang. Hmanthlak kan hmuh bantukin Salai Lahnin (Hebrew) nih Malaysia ACR rianttuantu pawl cu Uico tiah fak taktak in a phomh hna. Zeiruang ah dah hi bantuk biachia kha le zoh dawh lo ngaiin a ti hna timi theih si lo nain a chim duhnak hi tampi nih cun kan i fiang dih cio lai dah.

Salai Lahnin nih atimi cu. Uico Malaysia ACR nih kan thei lo kan bawm kho lo nan ti mi hi zoh u, Midang bawmhnak nan lak mi cu Nan zaal chungah nan sandih thei teh hi mu. Fianternak. Thangchiat duh le mualpho ter duh ruangah taarmi si loin hi bantuk thil a cang mi caan te ahhin miphun aiawh in rianttuantu kan biapitnak langhter duhnak si.

Relchih. Benjamin Sum A Uartuk Ruangah A Fale Nih Benjamin Sum An Hnah Chuah: Benjamin Sum cu an rak uar kho taktak hme hi. Myanmar Idol Season 4 zuamnak ah Grand Final tiang a phan cang mi Benjamin Sum cu midang nak in aw chuah le umtu hawiher ai phundang khun tikah mikip nih an uar khun cio. A bikin Kawl miphun hrimhrim nih an uartuk.

A cunglei kong he pehtlaiin Cattial thiam minthang simi Pung Na Myit nih atimi cu Gplden ticket a ngah bak khan aw phundang a ngei timi ka theih i, zarh fate an i zumnak ah ka va zoh tawn, ka duh tuk nak ah keimah chungchuak fapa bantukin ka hmuh cang.

Keimah hi fa pahnih ngeimi ka si i, England ah an um ve ve. Ka fa le hmundang um an si tikah nu le hla a van sakmi ka theih cu ka lungleng tuk hringhran. Ka fapa bantukin ka dawt. Cu kawng cu England in ka fale nih an theih tikah an hnah chuah i, Benjamin Sum nu tiah an ka auh i, an ka capo tawn ttheu. Zarh fate vote ka pek peng fawn. Midang nih ngeih khawh lomi aw a ngeih tikah Pathian thluachuah a co.

Aw phundang a ngaih tikah midang zong nih an uar khunnak asi,”tiah Myanmar Celebrity sinah a chim. Cu lawng si loin Cattial thiam Min Mo Mo zong nih Banjamin Sum cu aw phundang a ngaih lawng si loin a sam tiang ai phundang i, a muihmai zong ai phundang, stage cung a um zongah khin midang nih ngeih lomi cawlcangh ning a thiamtuk,”tiah Benjamin Sum kong cu a chim.