Kalay peng kulh Miangsung khuz in meng thum aa hlahnak leithlam ah a riakmi Salai Lal Ṭan Pui kum (23) a thattu cu February ni 2 ah Kalay myo peng kulh Palik nih an tleih khawh cang tiah thawng theih a si.

Salai Lal Ṭan Pui a thattu cu Kalay peng Thuma khuami Phu Tan a si i Satan khua nu he aa ummi an si caah anmah khua ah a ummi a si. Miangsunn khuabawi Lal Lian Mang nih a thahmi pa cu hlan deuh ah athattu pa nih a nu sin ah ka nupi he an i chawn i k zum ti lo tiah a rak ti. A hramthawk ah cun ka that lo tiah aa pheh nan atu ah cun a mah tein ka thah ko amah le mah a phuang tiah a chim.

Tuni ah mah leithlam ah Police pawl hen an va kal i zohfelnak an va tuah. Phu Tan mah mipa a thah ni ah anmah pakhat cu biasawng an tloh chih tiah achim.Hlan deuh zong ah biasawng an rak tloh bal cang.Mah a thahmi pa a riahnak ah cun a va leng. Mah ni ah cun inn lei lawi ti loin mah mipa thah timh in Faphel chung ah a it i a va hngah ko ” tiah a chim.

Cu lioah Salai Lal Ṭan Pui a nu Pi Tlem Cin cu Pee , Vankhawng le Flowers cin pah in lei ah an riak. January ni (19) ah a nu cu inn leiah a rak lang i Salai Lal Than Puai lawng lei ah a rak riak. Janaury ni 20 ah a nu cu lei ah a va kal in afapa cu um ti lo thi le hnai lawng te thlam ah a va hmuh. A fapa cu a kawl chih len i leithlam tangah a fa pa ruak cu a va hmuh. Salai cu akut dawng khat ta lei pahninh cu a tlau i a hmai le a luu ah hliamhma pa(6) a um tiah theih a si. Zalen

A tangleiah a hlan i a konglam kan ṭialmi kan chiah chih i thil sining fiang deuh in rel ṭhan khawh a si.

Kalaymyo, Miangsung khua pawng i lo ah nam in sawhnak hliamhma hmun 6 tuarmi Salai Elijah Lal Tan Pui kum 23 cu Tangkawng 20 hringtu a nu nih a ruak in a char tiah thein a si. Thil umtu ning cu tlangval Lal Tan Pui le a nu Tlem Cin nu an lo ah mepi le purun hna tuh in lo ah cun an riak. Tangkawng 19 zaan ah Pi Tlem Cin cu loin khualei ah a tlung i afapa Salai Elijah Salai Lal Ṭan Pui lawng lo ah cun a riak. A nu Tlem Cin cu Tangkawng 20 ah lo ah cun a kal tthan i an thlam ah thi a hmuh.

Cuti i thisen a hmuh tikah an lo pa pawl cheukhat hna a auh hna i fapa Elijah Salai Lal Ṭan Pui cu an kawl. Caan saupi an kawl hnuah hmunkhat Leikuang pawngah thisen he aichiahmi Lal Tan Pui ruak cu an hmuh. Cuticun khuabawi le khua upa hna sinah an chimh hna i khuabawinle khua upa pawl nih cun palik sinah theihternak an tuah ve cawlh i Salai Lal Ṭan Pui ruak cu tuzing suimilam 12 ah vui asi cang.

An thahnak hmun.

Miangsung khuami Pu Ral Lian Mang nih a chimmi cu ” Salai Elijah Salai Lal Ṭan Pui taksa cu nam in sawh le ahnak hliamhma in a khat. A hmaiah hmun 2 le a lu ah hmun 4 in nam hliamhma a tuar. Keimah hmanh nih saupi ka zoh ngam lo. Thah a si hlanah a cawpi a tlau i a kawlnak ah kiangkap mi biaalnak tete a ngei pah. A hliamhma zoh tikah biaalnak in athawkmi si dawh asi. Zeiruangah ti ahcun ahmasabik nam i an ah/tuk ah a kut in a rak kham ti theih khawh a si. A kut orhlei a kut zung pahnih a tan. Amah Salai Elijah Lal Ṭan Pui hi mi nunnem a si i mi teima ngaingai a si. Fapa ngeihchunte a si i chungkhar reithei sifak ngaingai an si” tiah a chim. Zalen