Kan I Ralring Cio Khawhnak Dingah Mah Thawng Hi Kan Rak Thanhnak Asi. Palewa Ralzam Bawmhtu Committee Kan Si tiin Hlennak Tuah In Khuakip Ah Bawmhhalnak Tuah An Timh.

Salai Cung Dawt timi min bunhin Khualhring tlang Mualkai le Tlangkhua khuabawi phone a chawnh hna i kan Committe hi Palewa ralzam hartonmi hna caah khuakip bawmhnak hal timh in anmah le an siantawk cio pek dingin Committe dirhmi kan si i kan Committe Chairman ah Medical lei Dr.Tluang Thang a si i keihi a bawmtu ka si tiin Salai Cung Dawt nih a ti hna i Kan Zung cu Thantlang Sianginn အထက ( ၁) hmai inn senmi inn tangah asi a ti. Khuami a chawnhnak hna le bawmhhalnak a tuahnak phone number 09429381861 a si i a chawnh tik hna ah Khuami zong nih an zumh caah Mualkai cu phaisa an i khawlh dih cang i Tlangkhua cu khawlh an i timh cuahmah lio a si.

Mualkai khuabawi nih zeiruangdah kanmah khua hnih lawng cu nan kan hal an ti i tulio cu Covid-19 ruangah kan i chawkvak kho lo caah khuadang, Tlang dang zongah kan vak than ko lai e a ti. Phaisa nan khawlh dih ahcun a lak ah kan rak fial hna lai kan committe chungin tiin a kan ti tiah khuabawi pa nih a chim. Cu tik ah keimah Van Lian Hum sin ah khuabawi nih an ka chimh tik ah Thantlangah mahbantuk Committe a um ka theih bal tunh lo ka ti i ka dothlat cawlh. Kan Zung a um a tinak zong ka va kal cawlh i ka hal dih hna i an zung a um lo. Cun a phone a chawnh nak hna kha chawnh kho hrimhrim a si ti lo. A phone a off peng cang.

A tu lio caan Zawtnak kongah lungretheih lio caan le Palewa kan unau hna harnak an ton cuahmah lio ahhin cun zeibantuk an chimmi hmanh i i zumh hi a fawi caah mah bantuk hlen hmangmi hna cungah hin a hlei in kan i ralring cio dingah kan rak tialnak a si.

1. Dr.Tluang Thang le Salai Cung Dawt hi a taktak in a theitu nan um ahcun nan kan chimh cio nak lai kan in nawl hna. ( an Min hi an i hlennak min zong a si kho lo)

Khawika Tlang kan si ah, Khawika khua kan si ah bantuk mi hrokhrol hi an rak lang kho cio mi a si caah hmailei ah kan i ralring cio khawhnak hnga mah ca hi kan rak thlahnak a si. Kan dothlat cuahmah lio pi cu a si. ( Mah thil a cang hi a tu 2020/ May 10 hnu khan a si). Kan i lawm. Credit: ‎Scofield Van

Hi kong he pehtlai in Dr. Tluang Thang an tlaihnak kong The Chinnland Post nih hitihin a tial:“Tangka a tlamtling cang zeitin dah kan in chanh ning hna a si lai tiah Phone cu kan chawnh. Nan riantuan ning zong theih kan duh, Viber in nan riantuannak le riantuan tu OC nan hmanthlak hna na ka kua kho hnga maw ka ti tlawmpal ah phone a chiah colh. May 12 tiang zong Viber online i mah pin ah Online lo in phone chawnh khawh zong a si ti lo. Mualkai khuabawi sin ah Phone number hi zung i he pahnih a pek hna. An kan hruai tu Dr Tlaung Thang hi zanlei suimilam 5 hnu lawngah zungah a thu tawn, Cu tikah zanlei 5:00 hnu ah phone cu ka chawnh i a tlai bal lo, chun ah ka chawnh than tikah Hakha Arrawaddy Bank nih an tlaih. Thilsing ka chimh hna tikah hlannak a si ko lai an ka ti. Kei mah ka ruahnak ah Cung Dawt le Dr. Tluang Thang hi aa khat mi a si lai hrokhrol in rian a tuan mi a si lai. Thantlang sianginn sang um mi ka si a ti, nain ka zum lo Kawl lei um mi phun a si lai ka zumh. Ho cio paoh i ralring ko hna u sih.”tiah Khuahring thang mino President nih TCP ah a chim.

The Chinland Post timi rak hmeh piak law tling deuh in rak rel: