NLD a dirkamh taktakmi Salai Ro Lian Thang nih Salai Ceu Bik Thawng nih a Fb cahmaiah a tarmi cu amah ruahnak le hmuhning a commentmi cu Salai Ceu Bik Thawng nih lung fiang lakin a chimh chawnpiak lehlam.

Salai Ceu Bik Thawng nih a ṭial hmsat bikmi: Daw Aung San Suu Kyi nih thei hram seh! Laitlang ah hawi ramthen pawl nakin budget tamdeuh kan in pek hna na ti (milurel buaktlak in) caah kan ilawm. Asinain, cu nakin Miphun Ni zungkhar Ni ah tuahpiak le miphun mahte khuakhanlairelnak (self-determination) kha ngeih/pek kan duh deuhmi asi. Note: Cucu thaizing i Thantlang a caam chungah a kiangkap um biaruah/chimnak canrem a ngeimi nih kan chimpiak hram uh.

Ro Lian Thang nih comment a tuahmi: Apa hnih in kan herh,tangka le zauk phung then khawh asi lo, self-determination kan herh bantuk in tangka zong aherh, tutan, atlun lio ah hi bantuk chim caan asi lo, thanchonak kha chimcan asi.

Salai Ceu Bik Thawng nih Ro Lian Thang cu hitihin a commnet a leh hmasa: An biapi veve ko nain a hmun le caan hi a um ve. Chin Miphun Ni hi miphun ramkhel ni a si. Thopuai le Fanger puai bantuk eidin le thanchonak puai si lo. Politial system thlennak khel hmasa hnu ah sustainable development cu a ra ding si. Minor kha Major ah chiah ding si lo. Paam lungping in kan lung pin ruangah dawh hawihnu kan fual hih.

Ro Lian Thang nih hithin a leh ve ṭhan: CND va tawl rel kho usilaw adang development ah budget cu tlawm sehlaw CND nih lam le sul aremh kho hnga maw, federal kong nan chim lo na ti belte ahcun ruah phu asi ko, CND mahte va khaan nak thawngin khuakip thanchonak zeidah acuak lai.

Salai Ceu Bik Thawng fiang ko in a comment a leh ṭhan: 1947 Committee of Inquiry lioah Chin upa pawl nih “Federal nan timi kan hngal lo, state zong kan duh lo, kannih cu sianginn le sizung tepawl hi tampi in kan pe uhlaw kan iza ko” tiah an rak ti. Moses nih Izip ram in a miphun(Israel) pawl chuahpi a rak timh hna lioah Pharoh Siangpahrang uknak tangah reng sang deuh a rak tlaimi le miakmainak a rak hmumi pawl le miralchia pawl nih “Thise ramcar ahcun na kan that lai lo maw? Izip ram ah buh thaw le sa thaw a um ko cuteh” tiah an rak ti. Atu na chimmi hi cubantuk lungput cu a si ko. Mahbantuk kha miphun pakhat ahcun an rak um lengluang ve ko i ka theihthiam ko.