7nak CNF Civuipi (19/3/2020). CNA ralkap thazang a thawng chin lengmang cang hih. Nan thachia hrimhrim ti hlah uh. Kan miphun thlacamnak Bawipa nih a kan leh caah arauhhlan ah Chinram Jerusalem vampangpi cu fektthup in kan chon lai i lolu le lotaw in a kan sulhtu pawl zong hmunphiah in a phiah khawh cang ko lai.

Cucaah vuivai lo tein zeitindah CNA thawnnak caah kai tel khawh ve lai ti tuhi pakhat cio ruat hna usih.Tutan, tucan, hi miphun sernak le runvennak dothlennak caah a hnu bik caanrem/kuanfang a si. The last bullet a si. Credit: Salai Ceu Bik Thawng

Salai Biak nih a tialmi: Chin mi nih miphun dawtnak, ramkhel, revolution tbtk kan ceih lo tuk. Chim ngam lo ding in nan tuah. Ngai te tiah cun kaa lawng hmanh kan ceihmi a tlawm tuk lehlam. Kan chim lo tuk. Kan ceih/tial deuh a herh ko. ‘Ram dang in na au ti phun, nan ka/bia lawng’ tbk hna hi miphun dawtnak a rehtertu asi.

Salai Ceu Bik Thawng Commentmi: A dik hringhran. Kan chim deuh ah racist le terrorist (ralhrang) hna akan puhtu an um. AA kong le Paletwa kongah kan mino pawl an lungfah lung in “kan doh ve hna awk a si” tiah an au lioah “Rakhine le Chin cu tlangcungmi veve Kawl dotu veve kan si” hei ti phun, “Rakhine ah Chin thingkhat leng an um i bialo an si lai” hei ti phun “kan tei hna lai lo” ti phun silhnalhnak a phunphun in a chim kan um (upa ko hi kan zual).

A herh ahcun UWSA, TNLA le RCCSS zong an i phomh ko. KNU le MNSP zong an ramri kongah an i phomh lengmang ko. KIA le Shanni zong. NSCA-IM le PLA/ULFA zong an i phomh lengmang ko. Chin miphun tuanbia ah miphun huap in Nationalism movement taktak kan aupi le kan kalpi hi kum 100 a tling rih lo i biatak tein mei alh ai thawk lebang hi cu kum 30 hmanh a tling rih lo.

Tlangcungmi kan miphun hawi le sinah cun kan hnu tuk rih. Cucaah ramchung ramleng ee ti ti can zong a si lo bantukin CNF soisel le pengletlang a dodit can zong si ti lo. Kanmah le kanmah i sawhchih can si ti lo. Kan miphun hi raltho liomi kan si, dothlennak a tuahmi kan si, miphun dang nih deet cuahmahmi kan si. Cucaah miphun tlau kan sianglo kan ti ahcun zeidah number one ah kan chiah lai timi kha kan ifian can si cang ko.