Bawmhhalnak: Thantlang Peng Tlangrua (A) khuasa Pu Sui Hmung le Pi Sui Len hna i an fapa Salai Bawi Ram Thang cu 2019 August thla ah Tuluk ram ah a kal i, 2019 December 23 tiang lawng an i chawn, a thawngpang an theih khawh.December thla hnu in a thawngpang an thei kho ti lo ca ah Tuluk ram a ummi Chinmi hna nih atu hmanthlak ah vun langhter mi Salai Bawi Ram Thang thawngpang nan theih, nan hmuh sual a si cun a tanglei phone number ah pehtlaihnak rak kan tuahpiak hram uh. Phone- 09266805809. Credit: The Chinland PostThawngpang dang rak rel chih:President Trump le Fake News Idohnak. White house task force hna nih Friday zanlei i press conference an tuahnak ah President Trump cu, disinfectants injection kong he pehtlai in bia an hal tthan. President Trump nih bianek/bia-eng “Sarcastic” in bia nan ka hal lengmang caah, bianek/bia-eng in ka leh vemi hna a si” tiah a leh hna.

Thursday Press Conference ah khan President Trump nih Innchung le rest room i thianhhliamnak ah kan hmanmi, “Disinfectants [ bleach and isopropyl alcohol ] nih cun minute pakhat ah rungrul vialte a thah dih hna. Cu bantuk in, kan chung lei ah rawn in hneksak tuah usih law zeidah a lawh hnga” tiah bia-eng in a chimmi cu Trump a dotu meida pawl nih bom puak bak in chun zan in a puak colh.

President Trump a dotu, CNN, NBC, MSBC le Washington Post nih cun Trump biachimmi hi bia-eng si lo, a chim taktak mi a si ko” tiah thawng an zamh tik ah mi tampi an lau ter hna caah FDA tiang nih ralrinnak an pek hna. Trump nih zei bantuk bia a chim zongah Democrats a ttanhtu liberal media pawl nih an duhning poah in an kuaih piak lengmang caah President Trump nih bia-eng in a chimmi zong a dikmi bantuk in mipi kha fake news an pek lengmang hna caah Friday Press Conference zong caan tawite lawng an tuah. Credit: Salai Lairamthang