A ralaimi Martyr ni (July 19) ah Salai Ceu Bik Thawng cu kai ve dingin Cozah nih party leiin sawm a si. Cuka ah cun Myanmar thuam (kawl thuam/kawl teikphung) nan ihruk lai an timi cu a duh lo caah ka kai lai lo tiah a tanglei bantukin a facebook cahmaiah a taar. Cu kong cu bochanmi Salai Bawi Lian Mang le Pu Tawk Cung (PPP) nih an hmuhning ruahnak kong comment ah an peek ve. Cucu Salai Ceu Bik Thawng nih fianternak le lehnak a tuah hnanak cu a tangleiah anmah ṭialning tein kan von taar chin ve.

Salai Bawi Lian Mang nih comment a peekmi: Opposition party asi mi nih hin a zai lawng i zai hlah hme u aw. Political party (Opposition party) i a tuah ding mi le NGO sawhsawh i a tuah ding i hi an i dang. Cozah an si pek, opposition nan si pek ah zoh ah hin ing nan puang.

Tawk Cung nih a peek ve mi: A si cuh.ZAI ti ṭukṭak NUAR ti ṭuatak hi mi ralchia rian a si.Atu ban tuk ca khi Hlan CNO pawl kha pe hna sehlaw..HRANG NAWL le Capt MANG TUNG NUNG kha HKA puan le TEDIM puan he an va kai hrimhrim lehlam hnga.Vanṭhat an ti lehlam hnga.

Salai Ceu Bik Thawng nih lehnak a tuahmi hna: Salai Bawi Lian Mang le Tawk Cung UBawi le u PPP ruahnak nan kan pekmi kan i lawm. Apakhatnak ah hitin kan duh lonak kan langhtermi hi thiltha asi ko tiah ka ruah. An lungput mipi nih an theih kha a biapi. Oppostion party dirhmun in Kawlram ahcun aho party hmanh aukhuan pin in zeipipa tuah awk a tha lo. Vangkau tenghmi kan si hlei ah resources a tlawm tuk. Institution a fek tuk cangmi nan umnak ram political parties ramkhel pawl he cun tahchunh awk a fawi rih hnga lo.

U PPP na chim bang strategy ningin a herh le kan kai te ko lai. Martyr Ni timi hrim hi ka uar lo ngaimi si kei cu. Aung San hi ram caah dohthlennak an tuah ruangah a thimi an si lo. Anmah le anmah i rem lo ruang i ai thatmi an si. Dothlennak ruangah a nunnak a thaap taktakmi cu Salai Tin Maung Oo le sianghleirun sianghngakchia pawl lawng an si ka ti. Hriamtlai pawl tucu miphun luatnak caah kan ti hnga.
Cucaah ka kai ballo. Nain tutan hi kan duhlonak langhternak caah kai zong a tha kho men tak. Kan i lawm.

Salai Ceu Bik Thawng nih a timeline ah a taarmi: Kawl angki le lupawng hruk an kan fial.ဗမာတိုက္ပံုအကၤ်ီနဲ႔ ေခါင္းေပါင္း ၀တ္ရမယ္တဲ့. A ra laimi Myanmar Martyr Ni (July 19) ulhni kai dingah cozah nih party le buu kip cu an kan sawm i “Myanmar thuam Kawl teikpung angki le KAWL lupawng nan ihruk lai” tiah an ti. Burma asi pek Myanmar a si pek — teihpung cu Kawl thuam asi, Chin thuam si lo, Karen thuam si lo. Nan thuam cio ihruk uh ti loin Kawl thuam ihruk in rak kai uh an ti caah kei cu ka kai kho lo.

Hi ram hi Panglong hnatlaknak in miphun kip fonh in dirhmi asi. KAWL miphun ta lawng si lo. Atucu “kan miphun thuam nan i hruk dih lai” ti tiangin ca an chuah ngam cang. Sianghngakchia le cozah riantuan pawl Kawl hni fenhter hrimhrim ka doh. NLD nih Kawl pinni teihpung kha party uniform an ser caah cu ruang hrimhrim ah NLD ka si kho ti lo cia. Kawl/miphundang thuam ka hua lo. Asinain hnek/fial chom in hruk kai tim lo. Aruang cu an lungput dawpdolh policy ka theih caah asi. Cucu ka doh. Chirhchan: Salai Ceu Bik Thawng

Note: Hihi Salai Ceu Bik Thawng nih a Facebook cahmaiah a taarmi mah le hmuhning le ruahnak in comment an peekmi kan taarchinmi a si.