Hakha Khuabawi abiapi. Hakha khuabawi dirhmun hi abiapi ngaingai mi asi. Chin State khualipi asi caah Hakha cu Chin/Lai rim anam mi khua asi abiapi. Lai nunphung le Lai miphun cu hihi kan si timi kan langhter khawhnak bik hmun asi. Hakha ah Laica Laiholh alen ding abiapi. Hakha ah Lai nunphung, Lai ziaza alen abiapi. Hakha cu Lai rim anam mi khua asi zungzal awk asi.

Hakha Khuabawi hi cu vialte aruat, atuaktan, akilveng kho tu asi pin ah atthancho ter kho tu asi ahau. Hakha cu Vawlei cung khuapi dang nih an neih mi, khuachung thianhhlimhnak, ngandam nak, pawngkam kilven nak pawl kha atuaktan kho tu asi ahau.

Cun, Hakha Khuabawi nih hin Chin State cozah kha intek dirhmun in a zohkhenh, a kilhkamh khawh hna i aherh ning in ruahnak zong ape kho mi asi ahau. Chin State cozah hrimhrim nih Hakha khuabawi cu a upat a hmaizah mi asi ahau.

Hakha cu Chinmi hna i, kan cultural center, kan business center, kan political center, Nationalism i kan suttung, Kan miphun i kan chungmuru asi ahau. Hakha mipi zong nih ruahnak pical taktak kan neih ahau.

Hakha arak tla tu kan Pu nih thluachuah ham in “Rungcin e, Vandeng hauka in” tiah a ra te dingmi techin fapar caah thlauchuah arak ham mi kha atu Hakha fanau hna nih kan pehzulah abiapi. Chin miphun i kan thluachuah hi Hakha i ai thok i Chim miphun dihlak, Chinram khuakip, inkip ah a luan awk asi.

USA I khuapi ngan pawl i an khuabawi pawl hi acheukhat governor pawl nak in an lar deuh I nawl an deuh hlahmaw ti awk in aum. Benabia ah New York Mayor (Khuabawi) Chicago Mayor (Khuabawi) Los Angeles Mayor (khuabawi) San Francisco Mayor (khuabawi) pawl hi a can ah cun state governor nak in an lar deuh I thil an ti kho deuh rua ti awk in an um tawn.

Mah hmanthlak hi tuzan US election zan ah San Francisco Citi Hall (Khuabawi zung) kha US election he ai rual in mei in an ttamh mi motor cung in hman ka vun thlak pah mi asi. Caṭialtu: Salai Bawi Lian Mang

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin