SAC Regional Command Headquarters In Ralkap Tampi Nih Hriamnam An Chiah.

Myanmar News

SAC Regional Command Headquarters In Ralkap Tampi Nih Hriamnam An Chiah. Shan ramkulh chaklei, Laukkai khuapi um SAC ralkap a za leng umnak Regional Command Headquarters in SAC ralkap tampi nih nizan January 4 zan ah MNDAA sinah hriamnam an chiah i an kal duhnak hmun ah an thlah hna.

Cupinah Laukkai khuapi cu MNDAA nih an laak khawh cangnak kong Naypyitaw um SAC ralkap chung in le Tuluk-Myanmar ramri ummi hna nih an chim. Laukkai um Dah Kah Sah SAC ralkap chungkhar hna le zung rianṭuantu, an dihlak minung 1,000 deng hrawng nih hriamnam an chiah. Mahte aa ukmi Kokang ukhruainak phu in zung rianṭuantu hna, an chungkhar hna, pyituhsit phu, palik le SAC ralkap hna cu hriam tling he kahdohnak ah tel an i tim ko nain a donghnak ah an dihlak in hriamnam tu an chiah, tiah an chim.

Tuluk social media ah a lang mi muicawl ah, SAC chungtel dihlak in MNDAA sinah hriamnam an chiah i ralkap motor le tank in an ṭhial lio hna cu an hmuh kong Tuluk ramri ummi nih an chim. Hi kong he pehtlai in SAC lei le MNDAA lei nih atutiang ah phungning tein thanhnak an tuahmi a um rih lo. Ref: The Chin Post

Leave a Reply