S. Korea nih Kawl Ralkap fak tuk a hrem ve cang hna! Min Aung Hlaing caah cun mangchia taktak a si ko cang hih!

Myanmar News

By Salai Van Lahnin|March 12-2021|Myanmar ralkap nih rampi nawlngeihnak (hramhram uknak) a lakmi cu phungning loin a lak hnuah hramhram uknak an lakmi kan duh lo tiin lamzawhtu mipi sualnak ngei lomi hna cu ralthuam le hriamnam hmangin an tuk velh hna, an kahthah hna, rammi an tlaih hna. Cuti bantukin an cawlcangh caah South Korea nih ralkap he an i pehtlaihnak cu tuni March 12 ah a chah.

Myanmar ralkap le South Korea (S.Korea) pehtlaihnak le rianṭuanṭinak cu ralthuam phunphun i cawknak in le thil dangdang a pehtlaihmi le rianṭuan ṭikhat an si. Ahlei khun in Myanmar ralkap nih South Korea serchuahmi ralthuam phunphun hna cu a cawk in a lak tawn hna. Atu ahcun, South Korea nih Myanma ralkap cawlcanghning le rianṭuanning cu a lungtlin lo ruangah a ralthuam a zuarh duh ti lo i an i pehtlaihnak zong a chahchih fawn.

Myanmar ralkap nih South Korea ram nih sermi ralthuam phun dangdang hna lakah ralkap uknak duh loin lam a zawhtu hna (sanda a piahtu hna) hremnak mitthli tlaknak bomh cu 2014,2015 le 2019 ah a rak cawk hna. A hlanpi i a rak cawkmi hriamnam hna cu Myanmar ralkap nih tuchun ni ahcun anmah uknak duhloin lam a zawhtu hna mipi hremnak a hmang i a ngeihciami dih sehlaw cawknak hmun a ngei ti loh.

Cu lawng hmanh si loin, Myanmar rampi ṭhanchonak caah tiin bawmhnak a phunphun a pekmi le tlaihnak an ngeimi vialte zong South Korea nih a thar in ṭha tein kan zoh ṭhan lai tiah cathanh a chuah i tutan Myanmar rampi buainak ah mipi dirpi nak le Myanmar ram a dam i a ṭhat ṭhan khawnak hnga vawlei cung ramkip hna cu a si khawh chungin rianṭuanṭi dingin a zuamnak lai zong mipi sinah thanhnak a tuah chih fawn. Chirhchan: VOA

___________

Copyright ©  Chin World News Evening

Leave a Reply