Russia Thil Tuah Mi Cungah Israel A Lungtling Lo, Complaint An Tuah Colh: Tutan zarh cacawn nithumni zanah Russian Foreign Minister Sergei Lavrov nih cun Palestinian ralhrang Islamic Jihad hruaitu lubik simi, Gen. SECY Zayid al-Nakhala (66) cu Gaza ah tonbiaruahnak a ngeih, hi kongah Israel cu Russia cungah a lungtling lo i, Moscow um Israeli Ambassador Eli Belocerkovsky nih complaint nak a tuah colh. Achim mi cu, “Zayid al-Nakhala cu terrorist asi i, Israel ram um dingah a duh lo biktu lo vawlei cung maps in hloh a duhtu asi mi tutan ah Russia nih ttha tein nan chonh biak mi cu kan theithiam lo,tiah The Jerusalem Post ah a chim.

Hi kongah Moscow lei nih thawngthanhnak tuah in, Russian Foreign Ministry nih Two-State solution, Palestinian independent cu UN Security Council le UN Gen Assembly le Arab Peace Iniatiative hmalaknak bantukin an lungtling i, cu ruangah Palestinian sinah tiva pakhat bangin luang in i pumkhat caan si cang,”tiah fianternak le lehnak an tuah ve.

Nakhala hi Khan Yunis ah 1953 ah a chuak i, a caan tam deuh cu Lebanon le Syria ramah caan hmangin, Iran hruaitu le Hizbollah hruaitu hna he hoikom ttha ngai ah ruah asi. 1971 ah Arab Libetation Front ah lut in ralhrang asi tikah an rak tlaih i, 1987 ah a rak chuak tthan. Cu hnu cun ramdang ah khua a sa deuh cang.

Relchih: Breaking News: Electric mei an sih nak in Sayamah Khuang Sui te inn a kaang. Falam peng,Lumbang khua suimilaam 5:30 am ah RC Khrihfabu biakinn pawng i Sayamah Khuang Sui te inn a kaang tiah kan theih. Hi kong he pehtlai in Mei kaang lei harnak tong pawl bawmtu Sayamah Ma Kim nih, “Atu inn a kaang mi hi Sayamah Khuang Sui (Siang primary ca chim) te inn a si. Sayamah Khuang Sui hi a nu he lawng a um mi an si.

A nu hi mi ngandam lo ngai mi, a zeng mi a si. Electric Mei an sihnak in a kaang mi a si. A kangh le cangka in an fuhpanh colh hna nain mei an phalh manh lo. Anmah minung cu hliam tuar le khawngdeng an um lo nain an thilri pakhat hmanh an chuah manh lo” tiah The Hakha Post ah a chim. A liam cia kum 2019 kum lio zong ah Lumbang khua ah electric mei sihnak in inn hnih a rak kang bal cang. Ref: The Hakha Post