Russia president Putin nih US president Donald Trump Cu Sawmnak A Tuah Ruangmang Ko Cang Hih

World News

Russia president Putin nih US president Donald Trump Cu Sawmnak A Tuah Ruangmang Ko Cang Hih.

Related image

Russia president Putin nih US president Donald Trump cu sawmnak a tuah ruangmang ko cang. US president Donald Trump cu Russia President Vladimir Putin nih tutan vawleicung ramrum hruaitu hna i tonnak G20 summit, Osaka ah ton biaruahnak an ngei kho tiah theih asi.

Tutan ton biaruahnak an ngaihmi ah Russia president nih a timi cu US he rianttuanti ding le kan karlak pehtlaihnak ttha a chuah khawhnak dingah a harh mi thil vialte cu kan tuah ko lai tiah a chim. Ukraine ram buainak ah Russia aa thlak tiah puh mi le US thimnak ah Russia aathlak timi sualpuhnak ruang a si pin ah US le Russia karlak buainak tete phisin nak ding ah a chimmi a si tiah an zumhnak an chim cio hna.

Culawng siloin Russia president Putin nih US President Donald Trump cu sawmnak a tuah. Vawlei ralpi pahnihnak a rak chuah lio i, NAZI phoihpawl an rak teinak nilecaan campha hman ding ah a si. Hi philhlonak cu aralaimi Kum vui 2020 May thla ah khin a voi 75nak tuah dingmi a si.

Hi ni le caan hmang dingin Russia president nih Donald Trump cu sawmnak a tuah colh. Hi sawmnak konghe pehtlaiin US president Donald zong nih hi sawmnak kong cu biapi ngai ah ka ruah tiah a chim ve.Tutan G20 summit ah Russian president cu biachimnak angei.

Culawng siloin US president Donald Trump he zong chawleh chawhrawlnak ah rianttuan ding. Cun hriamnam atlawm deuh khawhnak dingah rianttuantti ding kong zong an caih tiah thanhnak an tuah pin ah Trump he kan karlak cu a tthatuk, hi hnu pin lei zong athat peng ka zumh tiah a chim Putin nih a chim.

Tulio kan karlak thawngpang a ummi sertthan ding ahhin tuah dingmi kan ngei. Hmailei panh dingah hin kan tthawnnak dingmi a thar in tuah dingmi kan ngei tiah a chimchih. Tutan conference adih in US nih Russia hi phihkharnak thar a tuah te lai tiah thawngpang a leng. Cu kongah Putin nih a ti tthan mi cu hi kong cu an US nawl bak a si ko, Russia pehtlaihnak ttha ngaih dingah lam sialtu zong an mah an si ko tiah a peh rih.

Leave a Reply