Rung Lian Ceu Nih Uk Ling Thang Cu Zei Te Ah A Rel Lo, A Hlan Ka Tei Lio Nak Fawi In Ka Tei Lai

Khah Laipa tthawng Rung Lian Ceu nih Laimi chungah pa tthawng ti ve mi Uk Ling Thang cu a hlan kan rak i paih lio ah voihnih ka tei cang mi a si, Atu zongah i pai tthan usih law hlan ka rak teimi nak fawi deuh le awlzaang deuh in ka tei tthan lai,”tiah fing ko in a chim.

Keimah nih cun voihnih tiang ka tei cang mi kha a thar in va singkhaw ‘chalance’ tthan cu ka tim ti lo, sinain amah nih a ka zuamcawh duh a si ahcun a ra laimi December thla ah khin rak ra sehlaw lunglawm tein ka cohlan lai i, kan i pai tthan ko lai. Tahchunnak ah keimah zong hi a ka teimi um hna sehlaw a thar in zuam tthan ka duh hna cun khuazei ka an umnak hmun paoh ah ka kal hnawh hna lai i, ka va singkhaw tthan ko hna lai.

Cu bantukin Uk Ling Thang zong nih a ka singkhawh duh ko ahcun December thla i, Indiana ah WPC nih tuah ding mi ah khin ka pai lai i, keimah he paih tthan a duh si ahcun khi tikah khin van ra ko seh.”tiah a chim. Rung Lian Ceu nih Uk Ling Thang kong a chim mi he pehtlaiin a tanglei bantukin Salai Lungthli Tum nih anmah pahnih ah a zumh deuh mi hna cu a chim ve.

Salai Lungthli Tum: Ukling he cun 50/50 an c ko lai, kei cu Ukling ka zumh deuh.Ukling dah ti lo cun Runglianceu a tei ding an um rih lo. Runglian le Ukling an i din hlan chung cu kan Lai paih a thangcho chin ko lai. Ukling a paih lo cun paih ter loin Runglianceu kha WPC nih champion pe colh ko uh.

A tang ah video kan rak chiah chih. Rung Lian nih Uk Ling Thang kong a chimnak zong ngaih khawh a si. Video a sau deuh caah na ngaih ahcun minute 12 nak ah khin zoh khawh si. Biahalnak: Nangtah Uk Ling Thang le Rung Lian Ceu ah hodah na zumh deuh ve? Atu ah i pai tthan hna sehlaw.

Video-Credit: CMpage