Rung Lian Ceu Nih Teinak A Hmuh Tthan, Laimi Chungin Amah Tei Kho Ding An Um Ti Lo

Thawngpang

Rung Lian Ceu Nih Teinak A Hmuh Tthan, Laimi Chungin Amah Tei Kho Ding An Um Ti Lo: Tutan World Paih Championship “WPC” nih a voi-5 nak an tuahmi Lai Paih cu tluang tein an lim i, Heavyweight champion cu Rung Lian Ceu nih a lak tthan. Rung Lian Ceu a paihnak hmun paoh ahcun amah nih lak peng dawh si cang. Laimi lak ahcun a tei kho tu an um ti lo. Uk Ling Thang he i pai hna sehlaw zeidah an lawh hnga mah lawng si cang.

Image may contain: 4 people, people smiling, people standing

Tutan World Paih Championship “WPC” nih anmah tuah mi paih ahhin kan unau simi Nagaland paih tthawng cheukhat zong cah an sinain vanchiat ah visa an hmuh khawh lo ruangah tutan World Paih Championship “WPC” paih ah an i tel kho lo. Anmah Naga lei hi i tel chin kho hna sehlaw tutan paih hi a sunglawi chin chin ko hnga.

Rung Lian Ceu: Bawipa ka thlacam nak na ka leh caah ka lawm. Khuami hawi le kom thazaang a ka pe mi nan dih lak sin zong ah a hlei in ka lawm. Nan mah tha pek nak thawng in champions tam pi lak khawh nak dir hmun zong ka dir khawh nak hi a si. God Bless Laipaih-champion -WPC

Image may contain: 3 people, text

Tutan paih hi phunthum in tthen si i, teinak a hmutu hna cu a tanglei kan rak langhter mi hna hi an si. Zatlang paih champion ah Van Ceu Hmung a si i, Middleweight champion ah Ram Peng asi. Cun, Heavyweight champion ah a paihnak in Laimi nih tei khawh rih lomi Rung Lian Ceu nih a co tthan. Photo-Credit: Lai Kam Thang

Leave a Reply