Rung Lian Ceu Aa Pai Lai Tiah CCN Nih Ca An Post Mi Kongah A Dik Lo Rung Lian Ceu Nih Tiah Fianternak A Tuah

A ralai mi August 30 ah Dallas Lai paih committee hruainak in sunglawi taktak in kan Laipaih tuah timh a si. Mah Laipaih ah hin kan lai patthawng Lung Lian Ceu zong aa pai ve tiah Committee hruaitu hna nih thawngthanhnak an tuahmi kongah Rung Lian Ceu nih a tanglei bantuk in a dik lo tiah lehnak a tuah colh ve.

Rung Lian Ceu: Ziah CCN hi fact hman lo mi hi nan post thiam? Kei cu Dallas paih committee zong nih an ka sawm lo. Kei mah zonng nih ka kal lai ka ti lo nan ziah ka min hi a tel khawh? A ho sin in thanwg pang nan theih mi dah a si? Ref: Rung Lian Ceu

CCN: Texas peng Dallas khua ah ropui taktak in Lai Paihnak a um lai

A ralai mi August 30 ah Dallas Lai paih committee hruainak in ropui taktak in paih tuah a si lai. US um lai pathawng vial te cu an tling dih lai tiah thawng kan theih. Ramdang zong in an sawm chap mi hna an um len.

1. Club paih zong a um lai i minung pa ( 6 ) tlin ahcun a hopaoh luh khawh a si. Tutiangah a fiang cang mi club hna cu; 1. CHS Club- 2. Hniarlawn Club- 3. Chin star Club- 4. Zophei Club- 5. Vakok Club hna an si lai.

Cun champion a co bal cang mi ai tel dingmi hna cu;

1.Rung Lian Ceu- 2. Uk Ling Thang -3. Kap Tawng -4. Mang Cung Lian -5. Ram Nuam Sang-6. Sang Hlei Thang-7. Biak Hmun Sang- 8. Tum Bik – 9. Van Mawng
10. Lal Tawng

Mah hna hi tutan ah ropui taktak in Chinmi thong 15 um nak Dallas TX khua ah an i phomh lai.