US President thimnak cu a hlankan in thimfung an kuatmi cabawm mail voting ruangah atu tiang thimfung an rel thlu kho rih lo. Democrats minung tam deuh nih cabawm, mail in vote thlak dawh an si. Republican nih hin thimfung kuang bak ah thimfung thlak dawh an si.

Atu tiang an dirhmun ahcun Biden caah ruahchannak a hung tha than. Electoral college vote 270 a duhmi chungah 238 a hmuh cang caah electoral vote 32 lawng ngah a herh cang. Michigan electoral vote 16 le Wisconsin i electoral vote 10 a hmuh ahcun Joe Biden 270 a tling lai tei khawhmi dirhmun a phan kho. Mah hmun hnih ahcun Biden vote tlawmte in a thawn lio a si. Biden nih Wisconsin i a sungh sual asilole Michigan i a sungh sual ahcun a dih bak ve lai.

President Donald Trump nih electoral vote 270 a herhmi chungah 213 a hmuh cang. A dang electoral vote 57 a herh rih. Cucaaah President Trump nih atu lio i a tei cuahmahnak Pennsylvania electoral vote 20, North Carolina 15, Georgia 16 le Alaska 3 a laak hmanh ah hin 54 lawng a si i, a dihlak electoral college voite 267 lawng ngah dawh a si. Cucaah Michigan hi Trump nih a tei hrimhrim a herh ve. Michigan a teimi poah nih President tlin dawh a si. Caṭialtu: Salai Lairamthang

US thimnak kong he pehtlai in thawngpang dang rak rel chih: GOOD MORNING-US Presidential Election Results cu theih lai kan i ngaih tuk cang nain State 6 vote thlakmi an rel thlu rih lo caah an pahnih in ka tei/sung ti an phuang ngam veve rih lo. Vawleicung pumpi lungawṭom in an kan chiah ko.

Atu tiang vote an rel khawh cangmi ahcun Biden nih seat 238 a hmuh i Trump nih seat 213 a hmuh. State pa 7 ah Seat 86 cuh ding a taang rih. Khawi, van zoh/tuak tuah hna usih, aho nih dah tei lai. Neveda (seat 6), Wisconsin (seat 10), le Michigan (seat 16) ah hin Biden nih hei tei sual seh law Biden nih seat 270 bak a hmuh hnga i a tei hnga. Nain, Michigan le Wisconsin ah a tei zumh a si lo.

Georgia (seat 16), Pennsylvania (seat 20), Alaska (seat 3) le N Carolina (seat 15) hi cu Trump nih a tei zumh a si i a tei ahcun Trump nih seat 357 hi a hmuh hnga i a sung hnga. Cucaah, state pa 3; Michigan, Wisconsin le Pennsylvania i tamdeuh a ngahmi poh hi teitu ding cu si te dawh an si ko. Atu dirhmun in cun Biden nih Michigan le Wisconsin ah hin a tei hrimhrim a hau. A tei lo ahcun raltuknak puai a dih si ko.

Michigan ah hin vote 90% an rel cang i Biden nih 49.1% a hmuh, Trump nih 49.4% a hmuh i vote 13,057 hrawng in an i thlau. Ai tei kho veve an si. Wisconsin zong ah vote 95% an rel csng i an i tluk ngai. Biden nih 49.6% a hmuh i Trump nih 48.9% a hmuh, Biden nih vote 9252 in a thlau. Ai tei kho veve an si.

Pennsylvania hi vote 64% an rel cang i Trump nih 55.8% a hmuh i Biden nih 43.1% a hmuh. Trump nih vote 57, 5023 in a thlau. Cakuat (Mail-in Ballots) in thlakmi hi million 4 hrawng a si i million 1 hrawng an rel rih lo tiah an Governor nih cun a chim. Nain, zeitihmanh in Pennsylvania hi cu Biden nih a tei ṭhan ding zumh a um lo. Hi state vote rel ding kong ah hin cuhkalhnak a um kho i Supreme Court ah zual khawh a herh te men lai tiah lunghrinhnak a um.

A donghnak ah, Biden nih Wisconsin le Michigan hi a tei hrimhtim hau. Wisconsin ah cun a tei khawh men. Nain, Michigan ah a tei ka zum lo i Pu TRUMP nih kum 4 cu an duh zong duh lo zong ah a mongh rih ko hna lai tiin coffee kai dang. A dih. Source: The Chin Voice (Vanceuuk Khenglot)