Ronaldo Lungput Cu Uar Lo Awk Hrim A Rak Ttha Lo. Upat Tlak Taktak Si!

Cristiano Ronaldo lungput hi cu uar a rak um hrim ko. Tutan zongah zeitluk in dah a team mate hna cungah tluk ruannak le upatnak a langhter timi hmuh tthan khawh a si.

Serie A nawlngeitu hna nih season an thok hmasa bik ah thiam hlei sinak best defender, best striker, best goalkeeper, best young player le best player hna sinah angki (jersey) ah i benh ding (badge) an pek cio hna. asinain, Cristiano Ronaldo tu nih cun mah an pek mi badge hi a benh duh lo ti a si.

A benh duh lonak a ruang cu Cristiano Ronaldo nih hin a team mate hna lak ah a thiambik le mi cungcuang khun sinak langhter a duh lo ruangah atu bantuk in benh dingin an pek mi aa benh duh lonak hi a si.

A Tng Hi Rel Chih: Kannih cu MP le cozah thutdan ca men ah a dirmi kan si lo. Kannih cu miphun sisi-o-si kan si: Salai Ceu Bik Thawng

Miphun caah vahvaihnak: Chin miphun kan himnak ding caah CNLD nih lohma domhnak cu kan hun thawk cang. Laitlang kan cul dih hnu ah Rawn-Chin a simi Tamu, Khampat, Kalay, Kankaw le Thilin peng hna kan tlawng. Hika ahhin Chin miphun ting 4 hrawng an um. Chin miphun thong tampi nih miphun sinak an thlau cang. Aruang tampi a um. Capar in fiang deuh in kan tial than te lai.

Zeitindah hi dawpdolhnak chungin kan ichanchuah lai timi mechanisms zong kan ruahmi tampi a um. Tthal tireu hngah in federal hngah awk tha ti lo. Hi kongah Chin cozah nih kum 9 chungah an tuah khawhmi tamtuk nain a mitphei zongin an zoh hna lo caah zeitluk in dah kan sungh mu.

Kannih cu MP le cozah thutdan ca men ah a dirmi kan si lo kan ti zungzal. Rakhine, Bego le Irrawaddy ramtthen zongah Chin miphun ting 2 hrawng an um rih. Rian hmaba kan ngei. Kan miphun thantar(alan) kan va thlai dih lai. Kan bawmhnak an herh. Nu ei pa ei tangah an um i mi van an hai. An kan hlam.

Kannih cu miphun sisi-o-si kan si. Miphun tutlau kan hawl. Famua kan sua. Chin pakhat tlau zong kan siang lo. A tlau cia hmanh kan kawl tthan hna. Rawn ah a tlaumi Chin tingkhat renglo kan suathlam khawh than hna a hau. Kan izuam cuahmah.

(Thilin khua in Hakha lei kai ding mawtaw hngah pah in —Rev. Za Thawng Cin phuahmi “miphun tlau lai kan siang maw, kan siang hrim lo ee ti hna” timi hla ka hnathlam ah aa zel. Ka baa hringhran)

Credit: Salai Ceu Bik Thawng