Ronaldo: Juventus Nih An Ka Cawk Chan Cu Hi Ruangah A Si

Sport

Cristiano Ronaldo: Juventus Nih An Ka Cawk Chan Cu Hi Ruangah A Si

Champions League roundof 16 second leg puai ah Juventus nih Atleco Madrid cu lehthal in Cristiano Ronaldo nih hattrick a siam pinah Juventus cu quarter final a luhpi fawn hna.

Champions League record-ah min lang bik le goals sut kho bik Ronaldo nih hin Champions League hrai hi voinga tiang a lak cang i, Manchester United a um lio ah voikhat a lakpi hna pin ah Real Madrid cu voili tiang a lakpi cang hna.

A peh in voithum tiang Champions League hraidawh a lami Ronaldo hi nikum tthachung ah Juventus ah a luh i, Mah ruangah Juventus cu Champions League hrai cawiding a zumtu zong a tam. Kum 1996 hnu in Juventus hi Champions League ah final tiang an phan peng nain voikhat hmanh teinak (champion) an hmu kho rih lo. Ronaldo an neih hnu in tukum Champions dingah ruahchannak zong tampi an ngei ve.

Mah kong he pehtlai in kum 34 a si cang mi Cristiano Ronaldo nih cun hi ruangah Juventus nih ka cawk chan cu a si cu, An tuah bal rih lomi tuah dingin an ka cawk. Champions League-ah teinak (Champion) khawhnak dingah cun hi bantuk lungthin put a ngai. Ttha tein ka rian ka ttuan khawh mi cungah ka lawm i, Zaandang vialte nakin nizaan ka ka caah cun khuaruahhar zaan taktak a si. Atleco Madrid hi awlzaang tein tei khawh ding an si lo timi a fiangtuk, Sinain kan ttha i, cu cu kan sinak kan langhter fawn,”tiah a chim.

A chim tthan mi cu mah kan puai hi chihchiah tlak zaan si dingin kan duh i kan duh bantuk tein a si taktak. Keimah nih goals thum ka thun ruangah si loin kan team dihlak in lawmhnak in kan khat dih. Champions League chuih ding cun hi bantuk lungthin kan ngeih a hau i kan i thangtthat in kan i fak ding zong a si,”tiah a chim chih.

Image result for ronaldo

First leg-ah Juventus hi Atleco Madrid nih 2-0 in an tei hna i, away ah goals zong an ngeih lo tikah quarter final luh khawhnak dingah an caah cun lam a har ngaingai. Nain Nizaan ah Ronaldo le a team hna nih an sinak taktak an langhter tikah quarter final lut in Champions kho ding tiangin an sinak an langhter cang.

Leave a Reply