Rohingya Miphun Kawlram an um ti mi hi Kum 10 lawng maw asi tak tak?-Dr. Zar Ni: 1964 kum ah Ni Vung cozah nih kawlram chung a um mi miphun hna min cazin an rak khawm suat. Cu thawk khan Chinram zong ah miphun te-nge 153 kan um kha kan rak theih hmasa ve. Hi lio can ah hin Rohingya miphun an um cang tiah aa tial cang.

Rakhine Mungdaw ram khi Rohingya hna i ram asi ti hmanh aa tial chih rih. Rohingya tlangval hna nih Rakhine nute an tlaihrem timi kha fake news timi tuah chommi asi tiah Zaganar nih a chimh. Mintha Zargana hi Tamada Tin Sui nih a tuahmi Rakhine ram hlathlai tu bu ah aatel mi asi. Kawl ralkap nih Rakhine nungak nu pakhat kha Rohingya tlangval 10 nih an tlaihrem tiah fake news an thanh. Cu thawk khan Rohingya hna thah an tontir cu asi ti khawh asi.

Hitler nih Jew huatnak a karh nak hnga a rak tuahto bantuk he an i lawh ngai. Hitler hruai mi Narzi party ah Jew huat nak lungthin kha an khumh hmasa i cu hna ah mipi sin ah Jew huatnak a karh kho nak hnga biatak tein an i zuam. Cu lio Jew miphun hi ting 70 an rak thah hna-1930. 1978 hramthawk khan Butidaung ah Rohingya hna zeitindah an tlawm thluamah lai timi upadi le cawlcang ning le phung in an kal. Pi Ci nih hin Biatak hi a theih aherh ngai ngai. Muslim tih ruang ah Biatak a kal tak ahcun Tuanbia ah tazakhan asi khawh mi asi Pi Ci.

Upadi ning in huhim in covo le rammi sinak khakan chut hna awk asi lo. Rohingya cu Federal an hal lo. Bangladesh he i fonh in ral atho mizong an si lo. Rohingya miphun an sinak cohlan piak kha an ram khel cu asi. 1950 kum lio ah Ralkap le Kawlram cozah nih Rohingya miphun tiah rak cohlan mi an si cang. Cozah nih Minung he i lawh lo in Rohingya cung ah a tuahto nak le cihhmih thahnawn nak cu cozah nih Upadi le phung ning in an tuah i an zulh mi hi asi awk asi hrim lo.

Minung kha minung ah kan hmuh khawh hna hnu lawng ah Democracy pennak ah kan lut khawh ve lai. Miphun pakhat lawng cuaisan mi le biapi deuh ah chiah mi ram ah Democracy buan a co khawh ve lai. Tulio NLD Kawlram Democracy muisam cu Biak nak thleidan nak, tinvo thleidan nak, tlukruan lo nak phun phun, tbk asi caah cozah asi mi poah le Ralkap nih hi hi kal tak caan kan cu cang. Cu hnu lawng ahThlencan acu cang an ti mi lampi ah NLD cu akal ko tiah kan ti khawh hnga.

Kawlram media vialte,Cozah duhning in le Ralkap duhning in Rohingya huat nak ca chuah le cathlah kha kan ngol lo ahcun buaibai nak cu zor lei ah siloin a zual deuh deuh vel. Cu hnu ah cubantuk huat nak lungthin put cu Tlangcung mi hna tiang in biatak tein akarh chin chin lai. Aum cia mi huatnak le a um than ding mi he tiah kan i chap chin lai. Dindai nak zietik hmanh ah aum khawh ti lai lo. Tlangcung mi phun hna ruahchan mi Federal Union zong kan serchuak kho ve lailo. Genocide, Nuhrin covo, Federal Democracy value, Tlangcung mi rights, tbk cu kal tak rih ko. Minung kha minung ah hmuhthiam kha na thiam hnu lawng, Democracy lamthluam ah kal kan i thawk ve cang ti kha kan chimh kho ve lai. Saya Rung Kaw