ICOE Cathanh ah HRW Hmuhning: ICOE Cathanh cu HRW Nih Dotla lomi le Afil tuk mi asi ati. Rohingya Genocide kong hlat ding ah Kawl Cozah nih Independent Commission of Enquiry “ICOE” phu a derh. Nihin 20th Jan 2020 cahmai 400 leng asimi thanhca anchuah. An Cathanh mi le an hlatmi kong ah HRW timi Nurhin Covo rianṭuan tu hna likmalek an bia an leh colh hna.

Biachimh kaathawt nak men le ICJ ah sual I pheh ding in an tuah mi asi. Thildik le Ta-za-hmia-ṭa-hmu caah an tuah mi asi hrim lo. Nurhin covo buarnak kha Khumzual le chilh aatimh I an hlathlai ning le an khawmsuat mi hna hi dotla mi ansi lo. ICJ biachah nak Lakhruak khuakhan nak thanh hlan Ni 3 aduh ah timh ciammam tein cachuah ve zong cu zumh awk ah a har ngai mi asi. An cachuak mi le thanh mi hi mi paw apuar I sivang le luakchuak tu khi an si deuh “Mr. Phil Robert. HRW ASIAN Depury Directors”

ICJ nih Rakhine ah Cihhmih thahnawn nak aum ti nak hngal lo Lakhruak Lairel nak an bia kha Ramkhel ning in timh ciammam tein an tuah mi tu asi deuh. ICOE nih an caa kha Tamada le Pi Ci nihin an ap. Mipi cu an theih ter fawn hna lo. Puantang thil bantukin an tuah. Achung ril Zeibantuk konglam dah aum timi mipi thanh le theih ter ding zong aum fawm lo.

Zeitindah Rohingya sin ah Cihhmih nak umlo in Nuhrin covo buarnak a cheubang lawng an um ti asi hoi. Raltuk mi hna nakin Ralkap pumpak cio kha sualpuh ding ah an I zuam tu kha asi deuh. Asual taktak mi pa kha Khumzual an suh bia asi. Mipi le khua mi tampi sinah Nuhrin covo buar nak vialte tah khoi kadah an thuh dih hnga? Ralkap nih Operation an tuah mi hi timhlam nak le thildik-Geneva phung ning in an tuah le tuah lo zong hlathlai fawn hlah.

Thla 2 chung ah minung 700000 leng Harsat nak an ton mi nih Timhcia mam tein thil an tuah kha a langh ter ko mi cu I pheh sn duh rih hnga. A tak tak le a ngai ngai asi mi thildik kha hlathlai mi nakin zeitindah asi timi tiang lawng hlat in cachuah cu aphung asi lo.

Mirang le Kawl he chuah hna sehlaw mipi zong relkhawh ding in tuah ding asi. Cun an hmuh mi nuhrin covo buarnak he pehtlai in zeitin dantat an si lai ti zong telchih fawn hlah. Fianter nak zong an tuah lo. Atlang pi khin an hei ṭial cu aw!
ICJ ah cun Kawlram upadi in dantat nak kan tuah ko lai, Ralkap Biaceih ning in luat lo tein dantat dih an si lai ti asi. Kawlram Biaceih zung hna le Biacieh dan cu Dotla asi ko ti awk ah ahar tak tak mi asi.

Tcn: Inndin khua 10 thatnak kong kan zoh hmanh lai. Nawlbuartu Ralkap hna thong Inn ah an um tung lo Khoika an um hmanh theih an si ṭunglo. Rohingya min ko ko hmanh a cohlan khawh lomi Cozah nih dotla mi hlathlai tu bu ka serh timi cu Ngakchia hmanh nih zumh awk ah ahar ngai ngai. Zalon tein derh mi bu an si ati ko nain, Cozah upa le Ralbawi hna duhning zawh in tuah mi bu asi ko ti cu elh awk ṭhalo mi asi.

Commissin ah aatel mi Kawl mi hna cu Cozah upa hna le Party Hruaitu hna he aatheihngalh mi le a tlawnlen ṭi mi lawng te an si. Rakhine Ram kong ruatkhang tu UEHRD le Vawlei huap Commission Chairman hna nih a tir te hrim ah khan biatak le biadik an chuah pi lai lo tiah an zumh lo nak hna an rak chimh chung cang. Zeitindah an khawmsuat I Zeibantuk konglam le minung hna dah an I tel timi fainter nak le theihter nak zong aum lo.

Cucaah ICJ in an Biakam ning le thildik kha a kokek asican ning in siloin phundang le lamdang in merhsam deuh in derhmi Commission le an rian ṭuan nak asi caah zumh awk tlak le rinhchan awk thildik a chuah pi lai lo tiah, an Cathanh kha rau lo tein hmakhat teah kan leh colh mi hna asi. Theihternak: U Tha Nyunt Oo le Mr. Phil Robert HRW Hi Nuhrin covo lei riantuan upa hna nih Kawl cozah le ICOE bialeh nak kha Chin Holh in aatlak ning in ka tial than. Saya Rung Kaw