Daw Suh Hi Thlacaamnak In Kan Bawmh Hrim A Rak Herh Ve. ASSK nih ICJ biaceihnak ah zeibia a chim lai kan thei rih lo.Cucaah a tu lio ICJ taza cuainak le ASSK kong cu interesting ngaingai mi thil asi. A caah dirhmun har ngai zong asi. Hmunkip hruaitu hna le Halkha khuapi ahcun cheukhat nih thlacaampiaknak tiang an ngeih.

NLD le NLD dirhkamhnak men a si ti mi mit men in a zoh mi zong kan um kho ko. Phundang in a ruat mi le purhdah chungnak in a chimrel mi zong kan si kho. ASSK nih thildik thilhman te a chim i raltha tein a dirngam hrimnak ding caah thlacaampinak he dirhkamh kan hau hrim. Cucu kan thlacampiaknak main point asi ve awk a si.NLD uar lonak mit men longin zoh loin vawlei cung hruaitu hna a dirhmun icon in zoh kan herh. Mi sawhsawh a si lo.

Rohingya kong ahcun ICJ nih an pawm piak lo hmanhah ASSK nih a chim khawh or a phisin khawh mi te pakhat cu Rohingya kongahcun a phisin khawhnak ding lam pakhat cu a um ve.A dang ralkap le hruaitu kongah bia a um sual ko ahcun phisin piak khawh ding pakhat hmanh a ngei lo. A phisin ahcun kanram caah a phunphun in a lam phihnak sanction tiang a chuak kho. A phisin bak ve ahcun ASSK hi cuhlan ASSK a si ti lo ti tiah vawlei cung News pi nih a tuanbia a tial ni asi ve ko lai.

Hruaitu ca aiawh in kal hmanhsehlaw kanram pi aiawh in a kal. Aruang, tutan a theipar cu kanram nih a co lai. True leader always stand for the truth- hruaitu tha tak nihcun biatak ah an dir peng tawn. Cucaah tutan biaceihnak ah ASSK hi zeibantuk dirhmun ahdah a dir lai i bia a chim te lai ti mi hi ngaih a um ko.

Rohingya kong men longah siloin kanram caah thiltha a chuah khawhnak hnga chance asi ve caah biatak le thildik cungah raltha in a dirhngam i bia a chim ngammi hruaitu asi hrimnak hnga kapkat lei mit in dirhkamh le thlacaam piak lo awk a tha ve hrim lo mi caan le ruahnak karlak ah a um lio a si.Kapkhat lei long zohin huhpheng dingah a kal ti mi purhdahnak men in judge tuah rih hlah uhsih. Amah tein judge ai tuah te ko lai. Thaizing hngak rih uhsih. Credit: Al Bik Lian Zaathang