Thlanglamh le sersat le nek a tongmi misingpi hmanh nih teinak asiloah hlawhtlinnak an hun hmuh lio ka hmuh ah khin kai lawmh tuknak ah lunghno phun khin ka um lelek. Zeirel a tong lomi sifak inn chungkhar ah a rak tthanglianmi ka si caah a si ttheu lai.

Vawleicung ah sersat le thlanglamh a tong bik timi Rohingya caah dingthlu an khiahpiakmi hna nih vawlei a dawhter. Caan karlak dingthlu biakhiah a si caah a cheuchum lawng a si rih le tling le felte in dingthlu nih lairel hram seh.

Myanmar nih a tanglei tuanvo hi ICJ caan karlak biakhiah ning in a ttuan a hau cang lai.1. Rohingya cung ah a cang kho “chap” dingmi Genocide a kham lai. 2. A kal liomi Genocide taza cuainak caah evidence hrawh ngol a hau lai. AP news tialning ah evidence ceite hrawh a si diam cang, hrawhchap awk a um ti hnga maw?

3. Thla 6 dan in Genocide kham nakdingah Myanmar nih hma a lakmi ripawt pek a hau lai. December i Hague khua i taza an i cuai tan ah Myanmar i Bangladesh ram in Rohingya kirnak ding hmalak aa timhmi bia nih ICJ biaceih bawile an lung a tong ruam hna lo. A donghnak bik ICJ biakhiahnak cu kum tampi a rau kho. Tlingte in dingthlu lairelnak um hram seh!

Minung kan chuah chan hi mithawng nih mider thi lak in lamh beh hi a si lo. Milar le mitthawng lei paoh ah va ttan zong khi a si bal loh. Misantlai lo tete lei ah a kan dirpiaktu mipical pawl khi vawlei ah chuah chan ngei le chuah tthahnem an si deuh. Credit: Salai B. Chan Khar