USDP Party nih hin NLD party dah ti lo cu adang Party cu teicia ah a ruah hna si hnga maw? soiselnak le dohnak ca a tial mi ka hmu tuk lo. NLD soisel le dohnak cu every day bak in an post ko. Cu lio ah USDP nih Miphun Party tampi a tuuksawh khawh hna I miphun Party zong nih NLD cu heh tiah an thuat ve. politics a thawhnak cu pei a si fom tiah ka van ruat. Asinain politics a thawtnak lawng in kan kal ahcun kan chung aa kan tlik te lai hih, kan herhnak biapi chiah in khua kan tuak deuh a tha lo maw? tiah khua ka ruat.Zei ruang ahdah ralkap le USDP nih Miphun Party hi an doh hna lo? nan policies maw a rak I khat? asi loah kamh mi dah nan rak ngeih? ka thei thiam ve lo. Ralkap le USDP nih an in soisel hna lo mi hi an in dawt hna a si lo, an leem hna, an hlen hna a si, cun zuamcawh awk ah an rel bak hna lo I tei cia ah an ruah hna caah an doh bal hna lai lo. nawnnok khawh mi le thudir tuah ter khawh men mi ah an ruah hna caah an doh huam hna lo.

 

Zei ruang ahdah Ralkap le USDP nih NLD hi cozah a si bu zong ah cawl kho lo in a tuah? tampi chim awk a um lai nain an I tinh bik mi cu, Aung San le Tlang cung mi duhnak aa kaht caah a party nih hin Tlangcung miphun duhnak a tuah lai ti an phan caah NLD hi cawl kho lo in an tuah mi a si.NLD hi kawl party ti len hlah usih, kawl party a si ko ahcun ralkap le USDP nih an doh nemmam lai lo. Tlangcung miphun duhnaktuah aa tim tiah an ruah caah an doh I riantuan kho lo in an kham, NLD hnahnawhnak ah tiah a phunphun in buainak meithal an puah mi a si. U Thien Sien cozah lio zong ah meithal thawng a thang nain NLD lio meithal thawngnak in a din deuh. a ruang cu anmah ralkap party le ralkap chan pei a si cu. Tlangcung miphun duhnak tuah an duh ve lo bantuk in meithal va puah len kha an duh lo.NLD nihcun tlangcung mi caah riantuan le zauk phung thlen a timh ti kha an hngalh caah meithal an puah, buainak an ser, cu tik ah NLD party muisam chiatter an i timh. taktak le ngaingai ti ahcun NLD an doh mi hi tlangcung miphun aa kan doh bak a si ve tiin cohlan ding a si.

 

Federal zauk phung le ramchung daihnak ah thutden ting co lo mi party cu I tel lo ding in NLD nih an kham hna leng ah Phunghram remhnak kong ah tlangcung mi kong aa tel lo ti in NLD kan soi mi zong hi a dik thlu ve lo. Naite phunghram remhnak ah NLD nih remhding an ti mi zong kan remh kho lai lo ti an hngalh tuk ko. asinain an nawr chih. Tlangcung mi duhnak hoi hna cu ralkap le USDP party nih an duh lo cia an hngalh caah phunghram remh ding Issue tampi chuahpi tung i remh khawh lo ding thiamthiam cu tiah an ti I NLD biatung lawng biapi in an caihnak a si.

A rianrang tuk in Tlangcung mikong van aupi sehlaw ralkap kut ah kan ram a phan lai I a hlan bantuk in tlangcung mi nih harnak kan ton ding a ruah khawh lo caah a linh sat tuk lio ah tlangcung mi kong a chimrel lo bia si cu. Hluttaw ah ralkap 25% an um mi khi zei dang ca a si lo. duh caan poh ah hramhram uknak lak than khawhnak tiah an tawh fung a si cu.Tuak hmanh, Jesuh cu a zultu hna nih zei tik ahdah vawlei caana dongh lai, Pathian a rat lai caan kha an hal. Jesuh nih can donghnak ni le caan cu a theih tuk, zei tik ah Pathian a rat lai ti a hgnalh tuk ko nain “Ka thei lo” tiah a leh hna. ziah Pathian a si mi Jesuh nih Pathian a rat can le caan dongh caan cu a hngal taktak lo lo maw? a hngalh ko. A sinain ka hngal lo a ti duhnak cu “Pathian rat ni caan ka chimh hna ahcun a kar lak ah an dai thlang lai, Pathian a ra rih lem lai lo i ti in zu le sa din, sualnak tuah i Pathian rat lai ni te ah an piangthar sual lai ti a phan caah ralrin tein um ko u tinak caah “ka hngal lo” tiah a lehnak hna a si.

 

Chim duh mi cu, NLD le Suu Kyi hi Tlangcung miphun a kaltak mi bantuk, a hngal ti lo bantuk in an um mi hi aa kan kaltak le philh taktak a si lo. Ralkap le USDP kha hlen a timh ve hna cu. Tlangcung miphun ralring deuh kan um khawh nakhnga le ralkap thlem khawh nakding ah a kar lak cu a van kan daih thlanh mia si. alungtak a si lo cu.Jesuh nih a zultu han cu Psycho in ralrinnak a pek hna bantuk in NLD le Suu Kyi zong nih Psycho in ralrinnak aa kan pek ve cu. cucaah NLD hi tanpi a herh lio caan a si. Tlangcung mi phun nangmah le keimah Fderal pek lai phan ah Ralkap le USDP nih riantuan kho lo in an khamnak a si tihi philh hlah usih. Credit: Ro Lian Thang