RIP. A Pu Sinah Kumthar Hmang Dingin A Kal Mi Hngakchia Kum 4 Cu Motor Pahnak In A Nunnak A Liam. Chungkhar caah zeitlukin dah ngaiha chiat lai mu. Nizan December ni 31, 2019 ah khan Aizawl District, Maubung khua mi hngakchia kum 4 minung te lawng si rih mi Amberly Vanlalmalsawmi cu chun suimilam 1:30pm ah Kolasip Diakkawn Presbyterrian Pastor quarters le biakinn karlak lam ah Borelo motor nih rial i, a nunnak liam tiah theih si.

Amberly Vanlalmalsawmi hi Kolasip District Hospital ah an tlakpi colh ko nain a hliamhma a fahtuk ruangah tuar kho loin a nunnak a liam. Postmortem an tuah dih hnu ah a ruak cu a chuah kehnak an khua, Maubuang ah tlunpi asi. Amberly Vanlalmalsawmi hi hringtu a nu le pa he an len lio ah atu bantukin vanchiatnak a ton i, a nunnak tiang a liam hi si.

Motor ngeitu le thihnak a tongmi chungkhar karlak zong remnak le ngaihthiamnak an tuah khawh cang,”tiah The Mizo Post nih a langhter chih. Amberly Vanlalmalsawmi hi hringtu a pa hi Air Fore ag airmen a ttuan lio mi si i, an khua Maubuang ah Christmas an hman dih hnu ah Amberly Vanlalmalsawmi a pu umnak Kolasip Diakkawn ah an chungkhar in kumthar hmang dingin an kal i, atu bantukin vanchiatnak an ton hi si.

Amberly Vanlalmalsawmi hi hringtu nu Pi Rebecca Zairemmawii hi an khua Maubaung ah Govt Middli School ah saysmah ttuan lio mi si i, Pu HC Vanlalruata (Sr. Journalist) i fanu asi. Ngaihchia mi hna chungkhar Bawipa nih hnem ko hna seh. RIP Amberly.