Rincanh tlak lo Ramkheel upa hna hriamnam: Ramkheel kong chim rel hi a nuam bik mi a si ti ning lawng a palh thlu lai lo. asinain a minung le Party zong an rak biapi tuk ve hoi. Mi zei bantuk minung thinlung hmanh ah mah le umnak Party le ramkheel cu a dik bik le thabik in ruah cio a si.

A ei si hmanh ah rinhcanh tlak lo Party le a minung hna sin in kan i ven khawh nakding cu an hman mi hriamnam hi a si. Ramkheel rinhtlak lo pawl hna hriamnam cu. Pupa ram le Sandah piah. Pupa ram kong ah duh lonaklam a zawh mi hna kha ramkheel hriamnam ah an i hman. Naite ah Hakha pi hmun samhnak ah mii nih duh lonak an langhter i cheu khat Party le ramkheel hna nih van that ti phun in an ramkheel lopi kauhnak caah an i cherh chan.

ICJ court: NLD nih cozah a tlaih lio ah kan ram cu ICJ nih court ah a chuah pi. Kan ram sining a va tawlrel tu minung le Party cu JCJ nih sual a phawt mi kha cheu khat ramkheel party nih an ramkheel lopil kauhnak caah van that tiin an hman than. CBC/Peace forum: Tutan ah CBC tawlrel nak in Peace forum tuah ding kong cunglei cozah nih a him lo ti a ruah ve i a kham hna. cu zong a minung sawm mi zoh in an kham mi a si. Hihi cheu khat Party nih van that an ti i an ramkheel lopil kauhnak caah NLD an doh hoi.

CND le CNF/A: Tutan Thantlang ah tuah ding mi CND ah CNF/A an sawm hna lo ti ruang ah NLD cu sa thuat bak in an thuat hna. hihi cu mah le ruah ning a si ko i an sawm hn ahcun a tha tuk, aa dawh tuk ko. Amah belte cheu khat ramkheel Party nih ramkheel lopil kauhnak caah vanthat tiin an soisel hna. Atu bantuk in NLD Party nih dohdal tu a ton ruang ah mipi thinlung ah NLD zawnruahnak tu a karh lai ti ka zumh. Ref: The Voice Of Democracy