Rianṭuan Pah In 4D A Hmumi Nute Lawmhpi Cio Hna Usih!

Myanmar News

Yangon, Shew Pyi Thar-Wataya khua ah a ummi Mah Moe Moe nufa hna cu a pasal (a pa) nih mual a liam tak cang i an nufa tein harsa ngaiin khua an sa. An harsat tuk ruangah khuachung hmanh ah um loin khualeng ah an sakmi deuthlam inn ah an um i sianginn a kai pah in rian a ṭuan lengmang.

Image may contain: 1 person, standing

Cuti i sianginn a kai pah in rian a ṭuan chih cu cachimtu saya pakhat nih a theih i a zaangfah tuk ruangah man lo tein ca a chimh tawn. Amah zong aizuam ve ti cuti te cun rian a ṭuan pah cun sianginn a kai i tukum tanghra result a chuak cu 4D in a awng tiah kan theih. Lawmh a tuk hringhran. Chirhchan:Laileng

Image may contain: 2 people, people standing

Taanghra result cu Kawlram mipi dihlak theih in phozar le tarlangh a si cang. Tukum Chin ramkulh result cu kan hnu kum nak in a tha deuh ti a si nain Kawlram chung ahcun a chiabik 2nk dirhmun ah a um rih thiam.

 

Tutiang kan theih tawk ah, Lawmh ngai awk a si mi cu Hakha in 4D an kan hmuh piak tu minung (3) an um. Hi pathum hna hi Hakha in a awng mi chung in 4D a hmu chun an si hna. Cu hna cu (1) Siang Cung Lian (Myanmar, English, Bio, Chemistry), (2). Tha Hlei Tial (English, Math, Chemistry, Bio) le (3) Master Cung Chin Sang (Myanmar, English, Chemistry, Bio) hna an si.

A dang minung pahnih hi an konglam kan hlathlai kho rih lo i Master Cung Chin Sang kong tu tlawmpal kan theih tawk in kan rak langhter chin. Master Cung Chin Sang nih Thantlang peng, Saikah khua mi a si. A mah hi tukum Hakha taanghra a kai mi lakah cathiam bak mi a si tiah an chim cio mi a si tiah Khuami sin in kan theih.

Master Cung Chin Sang hringtu apa Cung Duh Thawng zong nih cathiam ngai mi a rak si, Saikah khua ahcun Pu Cung Duh Thawng le a unau pawl hi cathiam ngai an si hna tiah Khuami pakhat nih a chim fawn. Cu lawng si loin apu le zong cathiam an si hna tiah an chim.

Tutan ah Thantlang peng, Saikah khuami Master Cung Chin Sang nih Hakha in 4D a hmuh tikah lawmh lo awk a ttha lo, an khua mi zong an i lawmh cio bantuk in Laimi dirhmun in lawmhpi phu a si. Pathian nih thluachuah pe chin ko seh.

Leave a Reply