Haleluijah Bawipa na min thangthat si ko seh! Bawipa na fapa Rev. David Lah caah na sinah bawmhhal in thlacamnak caan tha na kan pek caah na cungah kan lung aa lawm. A tulio na fapa nih a ton mi harnak vialte thuk deuh in a kan hngalh piaktu cu Bawipa nangmah lawng lawng na si.

Na Biathiang chungah nan kan chimh bangin, nan ca i ka timh mi cu keimah lawng lawng nih ka hngalh. Cucu vanchiatnak siloin thluachuahnak a si lai tiah na kan ti caah na min thangthat siko seh. Na fapa nih a ton cuahmah mi harnak hi nangmah na sunparnak tu a cungah langhter law, mi vialte nih na dawtnak an theihnak le na lianngannak kau deuh in an hmuh khawhnak hnga thluachuah kan pek piak ko.

Na Bia cu thir cikcin in hren khawh a silo caah na min thangthat siko seh. Na fapa a nunnak hmangin na sunparnak langhter chin ko tiah Bawipa na sinah kan nawl. A hlei in, thazing caah hin biaceihtu hna thinlung ah ka Pathian nangmah nih riantuan hram law, nangmah khuakhannak le na lianngannak tu kan hmuh ter ko tiin Jesuh Min in thla kan cam kan Pathian. Amen! Credit: Prayer Ministry Group