By Robert Thawngzam
2020 Election ah Hakha peng nih cun NLD cu 100% vote an pe hna lai lo ti a fiang. Kawlram ukhruaitu thimnak election a nai cang i a rammi sinak in khua ka vun cuan ve. NLD party hi a luanciami 2015 thimnak ah an ka aiawh khawh lai ti ka zumh hna i vote ka pek hna.

Democracy ukphung ahcun a kan aiawh khawh lai i kan duhnak hi a Aw chuak lakin a kan thanh piak khawh lai i kan i tinhmi hmun hi a tak in a kan phakpi khawh lai tiah zumhmi minung kha palai caah mipi nih vote pek le kan aiawh ah thlah asi bantuk in 2015 election ah Hakha peng in NLD upa chuahpimi palai pawl cu Hakha peng minung aiawh khotu an si rua lai tiah kan i ruahchan lio an rak si ti hna lo ai.

Cu tikah atutan cu voikhatnak asi caah hitin si ko rih seh next election ahcun NLD pawl hi an lung a fim lai i an i siamremh te ko lai tiah zumhnak he Hakha peng aiawh dingah background dang in a rami an si caah aiawh khawh taktakmi (khaumi nih duhmi theihthiamnak) a kan ngei lai lo timi 100% in ka fian ko bu ah vote kan pek hna.

Asinain atu 2020 election caah Hakha peng NLD nih a MP cuh dingah tickets peknak an vun tuah tikah kanmah Hakha peng chung minung vialte nih a qualify kan peng, kan tlang le kan khua a kan aiawh khawh lai tiah zumhmi kan palai kan chuahpi mi vialte hna cu thutdan ah a thu ciami upa pawl nih hmunhma an kianh an pe duh ti hna lo, anmah tu 2015 lio bantukin lungfim loin an um peng ko i ngeihchia ngai an si hna. An qualify ahcun a poi lo nain.

Cucaah, 2020 November election a phak hlan ah Hakha NLD pawl cu an palai thlennak le siamremhnak an ngeih lo ahcun Hakha peng nih cun NLD cu 100% vote an pe hna lai lo ti a fiang cang. Ahleicein Senthang peng nihcun atu ningin cun 100% an support hna lai lo i vote zong an pe hna lai lo ti hi a fiang cang.

Note: miphun caah rian a takin atuan dingmi le thlennak a tuah kho ding party poah2 thazang ka pek