Kan farnu Sui Hlei Ṭial ruak Thantlang Covid-19 Main Committee phu nih Thantlang khuachung luhter duh loin, lamkam ah a ruak an vuimi kongah kan pakhat a simi Rev. Abraham Ngun Mang zong a celh ve hrim lo. A lung rak fak tuk ve. A lungfahnak a tang lei bantukin a chim ve.

Rev. Ngun Mang,“Thantlang i mino pawl, Thantlang i buukip i Pastor pawl, Evangelist pawl le ramkhel party pawl i MP pawl vialte khoika dah nan um? Mah hihi a hmaisabik hal kan duhmi hna a si. Cun, thinhun in rak i lak hlah uh!

“Ka kum hi kum 70 a si ve cang i kan pakhat nih a ngaihchiat tuk caah le a lungfahnak tuk caah a van chimmi a si ti kha theihthiamnak he nan ngaih piaknak hnga a hmaisabik ah Khrih min in zaangfahnak kan nawl hna.

“Hi kan fanu Sui Hlei Tial kum 21 a simi nih vanchiat a tong i a nunnak a kan liam tak tikah, ram pahnih a simi Malaysia le kan Kawlrampi hmanh nih tlunpi khawh asi tiah a pass cangmi kan Lairam a cozah nih an pass cang mi, asinain Thantlang a khualipi bakah, khuachung luhpi khawh loin Thantlang i mi donnak hmun ah kha ti bantukin an phummi le an tuahto ning zoh tikah hin, phun 2 in kei cu ka hmuh,”tiah a chim.

A chimmi a saupa caah a ca in von ṭial ding cun a sau tuk ding a si caah a chimnak video tu kan rak chiahchih i, tlamtling tein ngaih khawh a si. A biachimmi ngaih a nuam i a dik kho taktak. VIDEO timi hmeh piak law ngaih khawh a si lai.

Share rak philh hlah!