Rev. Hoi Cung Tum Nih Mothers Day Hi Bible-Ah A Um Lo Timi Kongah Pastor Za Thang Lehnak

Sermon

Nule Ni ka hmuh ve ning;

Image result for mothers day

Atu lio fb vun kau ah Nule Ni hmanthlak phunphun siseh lawmhnak biathlum karlak te ah “Bawipa Ni nan fir” tiah fir a kan puhtu lei bia zong kan hmuh.

Minung hi chuah ni ngei lo kan um lo. Ka chuah ni, kum cuzat ka tlin ni kan timi khi tah! Lawmhnak le Thlacamnak kan tuah tik ah Bawipa Pathian philh in chuah ni lawmhnak a tuahtu minung tiang lawng ah kan taang bal maw? A dangdang kan i thitum ni camtuak ee, Degree ka lak ni ee, kan fale camipuai awn ni ee tiin a phunphun kanmah pumpak ni bantukin kan chim nain a taktak cu Bawipa Pathian sin ah kan i lawmh khi a si cio.

Image may contain: 1 person, indoor

Cu caah, “Hringtu Nule Ni” hi Khrihfa kan si caah zarhpi ni Biakinn i kan tuahmi hi soisel dohkalhtu an um zong ah na ralchia hlah, na ningzak hlah, Bawipa ni kan fir tiah ruat hlah, Kan bia le hla vialte khi Bible chung ah a ummi nule dawt upat tihzahnak lawngte a si caah kan i palh tiah maw ruat lai cih. Sianginn a kai lo mi nih camipuai phit ni ah i thawh khawh a si lo, Kum khat chung ni fatin Lo a thlo lo mi nih a theifang zuun ni a ngeih ve lo bantukin, Ni fatin nule cung ah dawtnak upat tihzahnak kan ngeih lo ahcun Nule Ni hi na sunlawi ter kho lai lo.“

Ka chuah ni“ kan ti nain kan thlacam lawmhnak cu Pathian sin a si bantukin, “Nule Ni” kan ti tikah Pathian ni kan fir i nule tiang lawng si lo in Pathian nih nule a dawt hna nak le Amah Pathian sin a phanmi lawmh thlacam biachimnak a si ko tiah lungawtawm lo tein kei cu hmai kum Nule Ni zong Biakinn ah sunglawi tein kan khrihfabu ka hmanpi rih ko hna lai tiah ka hmuhning a si.

Na hmuhning le ka hmuhning aa dan i biahalnak tete a um zong ah comment in kan let lem hna lai lo. Ee, mah ti cun maw a ruah titu kha i hngalhpiak ciocio ko hna u sih.

Credit: Pastor Za Thang

Leave a Reply