Rev. Hoi Cung Tum: Hakha Chin National Day Hman Cu Chun Ah Ka Kal Ngam Lo

Sermon

Chin National Day Hmanning: Kum Khat Voikhat Ngeihmi CND Hmanh ah Kan Buai i Tam Deuh Ngei Usihlaw Kan Lo Dih Cikcek Hnga

Hakha i Chin National Day kal hi ka duh ngai ve. Kanmah paih kan va thawn lo hmanh ah aa paimi zoh cu Laimi nih Sport pakhat kan ngeihmi asi caah zoh ka huam ngai ve. Asinain chun ahcun ka kal ngam deuh lo. A ruang cu midang Khrihfabu kong cu ka chim lai lo. Kan Khrihfabu chungin Khualei i a ummi hna kha Hakha lei cun an rak ra hna i an khua kan kal lio i Crusade tuah lio i kan tlunnak, Ar a rak kan thattu an si hna. Asinain Hakha an rak phak tikah cun mah hngal lo deuh in an um hna tikah chawnh ah le a sinpi lo. Chawnh lo ah le aa laklawh.

Chin National Day ahcun Cakei saseh khi an lo i an hmur a sen dih, kuak cu an i suk. Tawsi keden an i denh, Laikhawt a kuapipi an i hruk mi hna kha ka tih ngaih caah chun kal cu ka duh lo. Zaan tu ahcun kan nu he kan kal pah tawn i Paih cu kan zoh pah ve tawn. Chin National Day puai tuahmi cu a dih i Tlangval pawl heh tiah an i thua hoi. Zaan khuadei bak an i thua ko. Cucu ka hmuh hna tikah Laimi hi Khrihfa kan rak si lo ti a lang.

Asinain Pathian ti cu kan kaa in a dongh bak in a dong lo. Pathian kan biakning le kan nunphun kan ziaza le kan din kan ei le kanmah le kanmah kan sehmi kan nun zoh ahhin Israel mi hna nih Jehovah Pathian an bia ti lo i siasal an i chiah mi hna he hin aa lo bak te kan si. Cu bantuk puai i harnak kan ton tikah kan Pastor hna hi kan auh. Pastor te hi zei he dah kan ilawh ti ahcun Micah inchungkhar ah siasal aa chia i Levi mivai pa lahkhah a pek i thla aa camter mi he ai lo mi lawngte kan si.

Lahkhah nan kan pek caah thla kan in campiak hna i thlacam piak phun nan va si maw si lo cu ka thei ve lo. Siasal kan i chiah buin thluachuah hmuh kan duh rih. Kannih Pastor zong cu Ar hna nan kan thah hnu cun tuihnai lo awk hi a tha ve ho lo i, kan thlacamnak hna zong hi cung a phan le phan lo zong theih asi lo. Kan Pathian biak hi a puansar tuk i kanmah le kan duhmi kan mit in a tha timi paoh kha kan tuah i Pathian biak can ah kan um. Kan van a chia ngai ralrin awk a tam ko ti hi chim ka duhmi asi.

Malaysia Laimi cu Laitlang leinak in a tlangpi thu in Pathian nan theih deuh kan ti i zeiruangdah ti ahcun nan umnak hi boruak a fiang lo i, miram ahcun Pathian hi a tlangpi thu in kawl deuh cio asi. Nangmah hi Pathian minung na si caah si loin na umnak boruak nih a langhter ca tu ah asi.

Nain upa hna he bia kan iruahmi cu Chin National Day ah upa an chuak lang ti lo e ti asi. Pastor zong rian thiah lo cun an chuak lang ti lo ti asi. A chuakmi cu ngakchia deuh le zu ding deuh kum 20 tang hna lawng an si. A mak ngaingai. Puai a tam deuh ngei usihlaw kan buai deuhdeuh hna i pakhat te ngeihmi hmah kan hmang thiam lo i kum khat ah puai 5 ngei hna usihlaw kan lo dih cikcek hnga.

https://youtu.be/PIDzugsu7so

Note: Rev. Hoi Cung Tum le Sayamah Tracy hna Crusade February 4-17, 2019

 

Leave a Reply