Rev. Hoi Cung Tum: A Piangthar Lomi Paoh Hnam Ngei Nan Si

A piangthar lomi paoh hnam ngei nan si. Hnam a ngeimi (milukut) hna cu mi innah zanah mehtthing le satthing an ei ti a si. Cun, mi kha an paw an fahter hna, an paw an hrawh hna. Cucu hnam a ngeimi nih mi hna an hnawh hna ning cu a si.

Piangthar lo pawl cu mi rawltthing ei nan hmang lo nain zeidah nan hman? Mi kiak dihlak in nan thongh, nangmah hnam ngeih hi ka ttih deuh. Kan rawltthing te hna eipiak cu kei ka zeihmanh a poi lo, pawfah ttukttak a poi lo. Nain ha kiak dihlak thongh tu kha ka ttih deuh. Hnam ngei bak na si, kuttongh zongin, Cu pinah Bible zongin hnam ngei bak na si. Tling tein rak ngai. A tangbik ah video um lai.

Zarhkhat chung na nunnak ah na cinken peng dingmi Bible ca: Pathian bia in thazaang rak la cio hna usih. Pathian bia lawnglawng hi hnangamnak, daihnak le lomhnak a si caah nifatin kan nunnak Pathian bia tuin thazaang thar la chin lengmang ko hna usih.

1Pet 3:9 Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.

2Korin 12 : 9-10 “A ka lehnak cu, Ka vel hi na caah a za ko, zeicahtiah ka ṭhawnnak cu derthawmnak ah hin a lang, ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang. 10 Ka derthawmnak ah siseh, nihsawhnak le harnak le hremnak le temhinnak ka hmuhmi ah siseh, Khrih ruangah kaa lawm ko; zeicahtiah ka derthawm tikah hin ka ṭhawn a rak si.

Tahnak Hla 3: 25 -26 “Bawipa cu amah aa bochanmi hna vialte cungah a ṭha. Cucaah a kan khamhnak ding cu lungsau in kan hngah awk a si.– Salm 16: 11 “Nunnak lei kalnak lam cu na ka hmuhsak lai; ka sinah na um caah lawmhnak in ka khat i na ka bawmh caah nuamhnak ka hmu zungzal”.

Ezekiel 18: 32 “Zeicahdah nan thih lai ee, Israel mi hna? Ahohmanh nan thih cu ka duh ṭung lo, tiah Bawipa Pathian hrimhrim nih a ti,” tiah a ti. Joshua 1: 8 Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai. Pathian bia reltu hawikom dawt nan dihlak cungah Bawipa kan Pathian nih thluachuahnak in pe ko hna seh.

Video-Credit: Ramleng Chin