Pathian thawngṭha aupitu hna Rev. Dr. Van Ram Uk le a nupi le Evan. Tial Lian Thang hna cu atu lio zawtnak Covid-19 zawtnak nih ruah lo piin in a phak ve hna caah chikhatte cu mipi kan hung lau i thlacamnak in kan hung ibawm cio hna i an caah thlacamnak zong zeimawzat nih an cah.

Kan pale Rev. Dr. Van Ram Uk le a nupi le Evan. Tial Lian Thang hna thawng kan vun theih ṭhanmi cu an zual deuh caah sizungah an kalpi ti a hung si ṭhan. Cu tikah mitampi kan hung lau ṭhan hoi. Kan pale kong he pehtlai in US, Indianapolis a ummi Pi Nu Par nih hitihin a ṭial ” Kan theih cio bantuk in Kan hnulei ah khan Covid-19 in kan dam lo tiah Ka pa Van Ram Uk Fb ah a thlah cangmi kha zapi theih hram thawk cio cu si i, mah hnu khan an cei deuh caah siizung ah an kalpi hna i zual ngai le lungretheih dir hmun ah an um nain Zahan zan Kan mahlei USA Indianapolis time 11:14 pm ah Evan.Tial Lian Thang he ca kan i kua le nan thlacam piaknak thawngin kan zapi in kan thawng ngai cang i Pathian sin ah lawmh bia tu chim ko ulaw a ka ti.

Tu hi ka nu le ka pa cu siizung ahcun an um rih ko an tha a um deuh rih lo caah ti kha ka van in thanh hna. Cucaah cun tu i media ca thlah a reltu cheukhat nih keimah pumpak zong phone in Siseh ca kuat in Siseh thawng an ka halmi ka hmuh tikah nan lau tuk cio ti ka theih caah mah ca hi ka van tialnak a si. A rauh hlan ah sizung an chuah khawhnak hnga thlacam ko rih usih. A hnu ah thawng fiang thanh than khawh kan van zuam te lai,” tiah a facebook cahmaiah a taar.

Hi zawtnak hi damh khawh lomi cu a si lo. A dammi tampi an um ko. Cucaah kan pale caah ahhin faak piin thlacamnak in bawm cio hna ṭhan hna usih! Kanmah nih kan bawmhmi hna le an caah kan thil ṭha kan tuahpiak khawhmi hna cu an caah thlacamnak piak hi a si. Cucaah arauh hlanah damnak an hmuh i a thawngṭha bia zong aupi khawh ṭhan hnga thlacamnak in bawm cio hna usih!