Rev. Dr Van Ram Uk II Nawlngaihnak (Point-25).A dih tiang na rel ahcun thazaang nai chap long siloin Thlarau fimnak zong nai chap lai.

Theihtlei

Rev. Dr Van Ram Uk II Nawlngaihnak (Point-25).A dih tiang na rel ahcun thazaang nai chap long siloin Thlarau fimnak zong nai chap lai.

Image may contain: 1 person, sitting and text

Saul Siangpahrang nih Pathian bia nawl ngai loin raithawinak a tuah piak tikah Pathian ai lawm hlei lo.A thluachuah a chuh, a dirhmun in a thumh.Pathian bia ningin nawlngaihnak i lak loin Saul bang Pathian rian kan tuan mi le kan tlaihning a phunphun in a um cio kho men.1 Sam 15:22 ahcun “ Nawlngaihnak hi Raithawinak nakin a tha deuh” tiah fiang tein a langhter.

Tutan Rev.Dr Van Ram Uk nih cawnpiaknak le thawngtha a chimnak ah nawlngaihnak hi tampi a telh.Cu vialte lakah nawlngaihnak kong point (25) te hi, nihinni ah a thar in i cawn ve le nunpi cio dingah kan hrawmh chin ve hna.

1. Dawtnak in a rum mi nih mi ngaihthiam ding leiba tampi an i ngeih cu an i lomhnak sang bik asi.Ngaihthiam ding minung an um lo ahcun an nun a ba.(Zumtu tampi cu kan cung i thatlonak a tuah mi long kan dawt khawh hna.Ngaithiam ding mi minung cungah dawtnak taktak kan hmang kho lo.)

2. Tangka tampi a ngei mi Mirum nih thil cawk ding tampi dawr ah a um cu an I lawmhnak asi.Thilcawk ding a um lo ahcun an I lawm lo.

3. Thiangthlarau thawnnak a ngei mi nihcun Pathian nawlngaihnak zong a theih a hau.

4. Motor mongh hlan ah mongh cawn ta a hau.Monghthiam long a za lo.Traffic Law kan theih chih a hau.Thiang thlarau in ka khat a ti mi nih mah duhning muisam long siloin Pathian a nawlbia (Laws) a phunglam hna kha va theih chih le zulh a hau.(Lam ding mi lam longah monghthiam I traffic laws theih locun pawngkam motor mong mi hna hnursuan le accident nak asi.)

5. Pathian nih miding tiah a hmuh mi hna cu Pathian nawl ngai mi an si.Vawlei dirhmun in hmuh mi miding men khi asi lo.

6. Ngaihthiamnak nun tel loin Dawtnak kalpi khawh asi lo.(Ngaihthiamnak cu Pathian nawlngaihnak in a ra hmasat I dawtnak kan ti lengmang mi hi cu nawlngaihnak ngeih loin midang ngaihthiamnak ding caah hman khawh asi lo.Dawtnak in midang ngaihthiam khawhnak ding caah Pathian nawlngaih hmasat a hau.)

7. Nawlngaihnak hi thluachuahnak nak in hal deuh.Nawlngaihnak ngeih loin thluachuah phurh khawh asi lo.Nawlngaihnak ngeih lo ahcun thluahchuah bungh/thle tu kan si lai.

8. Zumhnak in ngaihthiamnak kan co i nawlngaihnak in a lung kan ton.Lung te thumh ahcun zei zong te a tluang dih.Lungthumh duh lo ahcun Nupi le kedenh zang te put piak hmanh a rit tuk.

9. Nawl a ngai mi nih tihnak a ngei lo.Nawlngai lo mi cu tihnak in an khat.(Nawl a ngai lo mi fapa/nu nihcun a Pa a hmuh poahah a tih, a lau.)

10. Nawlngaihnak nihcun mangtam hmanhin a luatter hna.(Joshep &Denial nun)(Nawl a ngai lo mi nihcun thluachuah hmanh mangtam ah an canter.)

11. Vancung pennak chung luh ti mi cu mah duh mi long cohlan si loin duh lomi zong Pathian nawlngaihnak kha I put in cohlan le ngaihthiam khawhnak nun kha asi.

12. Vancung pennak cu thazaang chuah a si lo, nawlngaih asi ee.Pathian nih nawl a ngai mi long kan cawi hna lai a ti.

13. Zu le Sa in thih tuan hi nawlngaih lo asi.Nawlngaih hi nunsaunak asi.

14. Nawlngaihnak cu thluachuah conak tiang long si loin thluachuah phurhtu tiang si awkah kan I tlaih ding asi.(Ex. Zawt ruangah damnak hmuh tiang long Pathian duhning in nawlngaih I zuam I dam hnu ah a thluachuah phurh duh ti lo.)

15. Na kalnak lamthluan le na dirhmun zeitluk in tha ko hmanhseh, nawlngaihnak pemh lo le ngeih loahcun thluachuah na pemh kho lai lo.Nawlngaihnak na ngaih hmasat lo ahcun thluachuah hmuh lai mi le ngaih cia mi zong bungh viarnak asi.

16. Zumhnak in pathian fa kan co i nawlngaihnak in Pathian pennak cu kan co lai.

17. A hrinthan mi poah cu a zia tha lai ti ruahnak hi si loin nawlngaihnak tu in asi.

18. Nawlngaih cu Pa lungput pemh asi.Pa lungput pemh loin nawl a ngai ngai mi zong an um ve.(Ex, Sabbath pawl cu Biakam hlun ningin nawl an ngai taktak.OT chirchan in conglomh,raithawi,thlacam an thawng.Biakam thar bal an i tlaih lo.Nain nawl a ngai mi cu an fale chan nih thluachuah an co thiamthiam ko lai.)

19. Bawipa cu a nawl ngai lo mi hna thlaktu asi.

20. Mi ziatha pawl hi an ralchia.Nawlngai mi pawl hi an raltha.

21. Nuamhnak a kawl mi hna nih thawnnak an tlolh lengmang.Nawlngai mi nih thawnnak an co.

22. Nawlngaihnak cu fimnak asi.Nihin ah kan thluak cak hmanh hlahselaw, duhsah tein kan cawn ahcun hihnu kumnga ahcun kan thluak cak ko lai.(A nawlngai mi long Pathian nih biatak tein a hman ve hna, fimnak zong a hrawmh hna.)

23. Pathian nih a duh bik mi cu a fale hna nih a nawlngaih hi asi.Isreal miphun hna nih a nawl an ngaih lo poahah nawlngaih nun cawnter dingin sal ah a kuat tawn hna.(Nulepa zong nih kan fale a tu le tu kan chimh tam cem mi bia cu nawlngai tein um tuah ti hi asi.Pa le kan duh bik mi le kan i lomh biknak cu fale nih kan nawl an kan ngaih hi asi.)

24. Nawl a ngai mi le ngaihthiam nun a ngei mi nih teinak an I put.

25. Vancung pennak cu nangmah chungah a um i Vancung pennak cu Pathian nawlngaihnak in nun thiam asi.(Hi vawlei, na hawikawm, na company,Khrihfabu damnak ding caah Pathian pennak cu nangmah le keimah nunnak in i thawk ko seh.) Bawipa nih thluachuah ko seh. Amen.

Ref: Al Bik Lian Zathang

Leave a Reply