Rev. Dr. Thlaawr Bawihrin Nih Zotung Le Matu Serhsat Hoih In A Chim Mi Si Hrim Lo, Hi Bia A Chimnak A Ruang Cu

Chin News

March 28-30,2019 ah Columbus, Ohio, USA ah tuah mi CBC USA BT meeting ah Observer in ka va kal kho ve. Kan miphun ah bochanmi kan pastorhna, biaknak lei ah kannu-kanpa hna, Ramrian ttuannak lei i kan pa le hna tel cio a si i, kan zaapi 250 hrawng kai a si. Cu meeting i khua khan mi pawl le chim mi pawl cu lung a si hringhran. Kan miphun tuanbia ah theittha a rak tlai te ding meeting a si lai tiah kan zumh cio. A phan mi pauh lung i sii tak tak in kan khua cio ah kan tlung hna.

Image result for thla awr bawihrin

Inntek a kan ttuanpiak tu Emmanuel Chin Baptist Church (Rev. Dr. Hai Vung Lian te) an kan
zohkhenhning a ttha tuk i, an cung ah kan ni lawm hringhran. Baunak um lo tak tak in nuam
tuk in an kan chiah. Tamdeuh in hi meeting kong hi a hnu ah ka ttialchap te lai tiah kaa
tim. A dawnghnak meeting dih lio i, minung 250 kan zaapi kan kut kan ni tlaih i, kan
miphun ca, kan ram ca, CBC USA i a mission vialte caah thla kan cam mi hrimhrim lung a si
khun. Kan kut kan ni tlaih chih cio mi hrimhrim nih lung a si ter.

Tukar hrawng FB ah cu kan meeting lio i, General Secretary Rev. Dr. Thlaawr Bawihrin nih miphun dawtnak le kawl nih an kan tuahto ning lungfahnak, siaherh dawtnak he a chimmi ah Zotung lei u-nau cheukhat pawl an ni nuampah lo ti theih a si. Zotung upa pawl he ttha te in kan ni chawn i, an theih thiam dih, a tluang. Aa nuam deuh lomi, Mino deuh pawl sin zong ah a si ning kan thanh hna i an theih thiam cang.

Kan miphun kar ah lungruallonak a chuah ter kho tu thil ah a cang kho mi a si i, FB le a
dang dang online ah thlah ti lo i zuam hna uh sih. Aa nuam pah lomi Zotung kan nau pa Pi
Khu sinah Global Rawn Chin Media ah ka ttial mi ka rak thil chih. Meeting a kal lo mi kan
ni fian deuh nak caah ka ti. Rev. Thlaawr Bawihrin hi khual-lam ah a um lio a si i mah an
bia pawl hi a let manh hna lai lo dah. Miphun kan ni dawtnak a karhnak caah kan zaapi
ngol cang uh sih.

((U-nau Pi Khu Matu le Zotung zohchuknak si lo in, nan pa le chan ah Hakha holh an thiam dih ko nain, Ne Win uknak ruang ah a tu nan pa le bantuk in nan thiam ti lo mi, kawl holh in kanmah he kan ni chawnh hi a sia nan herh tuk bia, an dawt tuk bia hna ah a chim mi a si. Phundang lungnuamh lo nak lei in rak lak piak hlah uh law ti ka duh ko. A chim lio ah hin ka um ve i, a sia nan herh tuk bia a si ning, an dawt tuk hna ning ttha te in a lang.

Zotung u-nau pawl a chim lio i nan um lo caah ka sia a herh ngai ngai. Matupi lei in CNF
upa kan pu Thang yen, Pu David Ngai Sak, Rev. Biak Cung pawl an um ve i a chim mi a ttha
tuk an ti. Matu le Zotung kong a chim mi aa dang lo. Mah meeting ah hin kan miphun ah
upat tak tak mi Pastor, Biaknak hruaitu hna le Observer 250 hrawng kan um i, a ho hmanh
nih a chim mi hi a chiatnak in kan hmuh piak lo , a ttha kan ti. Kanmiphun tulio kan dir
hmun ah chim hrim hrim a herh mi a chim kan ti.

Kan miphun kawl nih a kan chilhtuk caah siaherh in achim mi tu a si, lungnuam lo in rak
um hlah uh law ti ka duh ko. Matu, Zotung, Zophei, Lautu etc. etc. namnetnak a si lo, Kawl
pawl cung ah a lung a fah nak a chim. A mah hi khual a tlawn lio as i i a mah zong nih a
chim duh nak a rak in chimh te hna lai tiah ka zumh. Lungnuam lo in um ti hlah
law…siaherhnak he…..))

Ref: Daniel Sakhong

 

Leave a Reply