By Ral Buai

USA President tampi cu an ṭuan chungah thil a tlungmi ruangah minṭhatnak a hmu mi an um. Bantuk in minchiatnak a hmuh mi zong an um ve. Abraham Lincoln cu Minak Sal vialte zalonnak a pek caah a min a thang. John F.Kennedy cu Cuba tikulh ah Russia vialte withdraw a tuahter dih hna ruangah a min a thang.

Ronald Reagan cu Soviet Union a rawh lio caan he aa tong i, Berlin Wall tiang a thehter khawh caah a min a thang. Jimmy Carter cu Iran nih US Embassy an hrawh, rianṭuantu 40 renglo ni 440 an hren hna caah a min a chia ngai. Bill Clinton cu Monica Lewinsky a ihpi ruang ah impeachment a tong.

George Bush cu Iraq a tuk ruangah, thihnak sivai ralthuam a ngei tiin Iraq a tuk, buainak tam tuk a chuak. Barak Obama hi minak President hmasabik asi. Obamacare ruangah a lar. Cathiam asi, biachim a thiam. Donald Trump hi nainganzi a thei bak lo mi, mirum, phaisa kawl a thiam. Cathiam sang a si lo. Coronavirus hi zeitindah tuah ding asi a thei lo. A chan chungah minung tam tuk an thi cang.

Miphun dang nautatnak faktuk a ngei caah USA le vawlei pumpuluk huap in protest an tuah. “Sipuaizi champion ka si” a ti len nain, a chan chungah Depression chan bantuk tiang in a tla ṭhan. July-October chungah hin aa sersiam lo ahcun ‘President ṭha’ timi cazinah aa tel kho lai lo.

Note: Caṭialtu VP thaisung nu Dr. Anna Sui Hluan hringtu a pa Rev. Dr. Ral Buai na si. Hi cabia hi comment a pekmi kan copy chinmi a si i biafang dik lomi tete zong kan rak siam rmeh pah.