Rev. Dr. Hre Kio: “US nih (very seriously) biatak tein kan ram caah bawmh kan hau, Myanmar ram chung ah million in kan um le nan i timh le timh lo lawng a si ko tiah US senator Todd Young sin ah a chim.

Cun kawl ralkap uknak hi (enough is enough) a za le a za bak khi si ko ti zong ah a chim chap”.US Senator Todd Young hi Indiana ah um mi si. Kawlram mi kan si ning a kan thei tu le a kan dawtu zong a si. Cu pin ah innpa te zong a si rih fawn. Source:Chin Cable Network Channel VIDEO timi hi hmeh piak law zoh khawh a si lai.

Thawgpang dang rel chap: Nihin rammi nih Ralkap uknak duhlonak lam zawhnak kong he pehtlai in rammi nih lamzawh in duhnak kan langhter tik ah a nemnak in kan langhter ah tha tiah Rev. Denis Ngun Thawng Mang nih February 18 Hakha lamzawh mi zapi sin ah a chim.

Hi kong ah Rev. Denis Ngun Thawng Mang nih “Kan duhnak kan langhter tik ah dai tein langhternak nawl kan ngeih bantuk in langhter ding tuanvo zong kan ngei. Cun kan duh lo mi hi zeiset dah a si ti zong kha kan fian a herh. Minung pumpak kan doh mi si lo in, ningcang lo hramhram in a kan uk mi uknak tha lo lohter ding tuanvo kan ngei. Duhnak langhternak ah mi fahnak peknak lam si lo in a nemnak lam in tuah a biapi,” tiah a chim.

Cun, A biapi mi cu uknak chia le kha uknak chia a rungvengtu hna kha zeitin dah kan doh lai ti kha biapi. Mi zei cozah le hruaitu an chuah zong ah party le pumpak, a bu, Khrihfabu, miphun hna karlak ah i soisel le i huatnak um lo ding kha kan i ralrin a herh ngaingai. Hi duhlonak langhternak hi chikkhatte ah aa lim ding a si lo zia le caan sau rian a si zia kan hngalh a biapi ngaingai. Cun hi mibu cawlcangh lio ah COVID-19 tlangrai zong biatak tein kan i ralrin a herh. Mask bunh daithlang hlah usih. COVID tlangrai kan ram ah a thiang rih lo. COVID raikhamh sii zong kan i chun rih fawn hna lo. Cucaah daithlang hlah usih, tiah a chim. Source: The Hakha Times