Rev. David Lah Ruangah Minung Pahnih An Thi Phah

Myanmar News

Irrawaddy timi Link hi hmet law Mirang in na rel khawh lai. Rev. David Lah le a hawipa cu Yangon Mayangone Biaceih zung nih Kokek rawhralnak phung (Natural Disaster Management Law) an buar tiah sual an puh cang hna tiah Irrawaddy News nih Mirang ca in a tarlangh.

Myanmar court denies bail to Canadian preacher who defied virus ban

“Kawlram nih Kokek ral dohnak ding ah a ser mi phung (Natural Disaster Management Law) an buar i Khrihfa pumhnak caan an hmang. Cu an i pumhnak ah aa tel mi minung 80 hna cu Covid19 zawtnak an tuar i cu chung ah minung pahnih cu an nunnak a liam” tiah Irrawaddy News nih a tarlangh ning cu asi.

Coronavirus: Myanmar court denies bail to Canadian preacher who ...

Vawleipi pulrai a simi Covid-19 zawtnak ruang ah Kawlram nih Biaknak lei pumhnak a kham, mibu cawlcangh nak a kham, a si nain David Lah le a hawipa nih Cozah zulhphun cu an buar i mibu pumhnak an tuah, cu ruang ah a mah David Lah lila zong Covid-19 zawtnak a tuar ve hi a si tiah an langhter fawn.

Hi kong he pehtlai in Taza cuaitu a si mi Ye Win Aung (Mayangone pengkulh khuabawi) nih ”April thla ah khan David Lah le a hnuzul pawl cu pumhnak caan an hmang hna, zarhkhat chung bak hmunkhat ah an i pum hna i an i pumhnak zong cu live an tlah chih” tiah Biacehi zung ahcun a chim ti asi.

Tutan ah sualpuh nak an tuah bik mi hna cu “Cozah nawl ngai loin pumhnak an tuah ruang ah minung 80 nih Covid-19 zawtnak an tuar, cu chung ah minung pahnih an thi” timi hi asi. Taza cuainak a tuah tu hna hi a hmasa ahcun “Yangon regional COVID-19 Control and Emergency Response Committee” an si i cu hnu ah a dangdang zong an auh chih hna hi asi.

Irrawaddy nih a tarlangh ning ahcun “Saw David Lah le a hawipa cu Biaceih zung nih an sual ko tiah sual an puh cang hna, cu caah a tlawmbik kum(3) thongthlak le Phaisa liam ter an si lai tiah a langhter hi asi. (Source: V.OM.Journal)

Note: Hi thawngpang hi Irrawaddy News nih a tarlangh mi kan leh chin mi asi.

Leave a Reply