Pathian mi hman, Pastor le cawnpiak tu soisel zeitluk in dah tihnung a si timi cu rak zoh ve uh. A tang ah video pahnih kan rak chiah mi Kawlnu sin in fiang tein hmuh colh a si cang. A tu ahcun Pathian nih Laphiat zawtnak a tuar ter lawng si loin mit caw dirhmun ah a chiah cang.

VIDEO pakhat nak (Video timi hi hmet law zoh) hi Rev. David Lah faktuk in a soiselnak a si. Pastor David Lah cu Covid-19 phung na buar, mibu cawlcangh nak, Pathian thangthatnak le thlacamnak na tuah ruang ah zawtnak na karh ter tiah sualpuh a rak si hmasa lio ah hi nu zong nih hin fak tuk in a rak soisel ve. Pathian thawngpang aupi tu a simi Pastor David Lah cu minung tuah in a tuah lo, faktuk in a volhpomh, biachia in faktuk in a den i a Biakmi Pathian tiang in a soisel piak hi asi.

A pahnihnak video (VIDEO timi hi hmet law zoh) rak zoh law, a tu ahcun Laphiat zawtnak a tuar, a mit a caw i khua a hmu kho ti lo. Pastor David Lah thonginn in a chuah i Canada a phak tlawmpal ah hi nu zong tu bantuk zawtnak a tuar hi asi.

Hi nu zong nih fiang tein a chim mi cu “Pathian minung, Pastor David Lah ka soisel ruang ah a si. A tu hi ka mit zong khua a hmu ti lo. Lam ka kal kho lo. Ka cawlcang kho lo. Ka sining hi catial sawhsawh in mi nih an zum sual lai lo tiah hawi bomhnak in Facebook ah video in ka rak tarlangh tiah aa ngaihchihnak, Pathian a volhpomhmi, Pastor David Lah a soiselmi kong ah aa ngaihchihnak kong pawl a chim hi asi. Pathian le Pathian mihman soisel cu tihnung a si ko. Thlacam bawm hna usih. Ref:V.O.M Journal