Rev. David Lah Nih Insein Thongin In Tanghra Awngmi Minung 58 Laksawng A Pek Hna

Myanmar News

Covid-19 zulhphung a buar tiah reportnak tuah in thong an thlakmi Pathian thawngṭha bia aupitu Rev. Saw David Lah cu naite ah thong an thlaknak Yangon Insein thonginn chuah ter a si. Mi tampi kan i lawm tuk cio. Thong a tlaknak Yangon Insein thonginn sining le zei tluk in dah thongtla pawl nih an tuar timi thil sining a theih dih ve.

Cu tikah, Rev. David Lah nih cun Insein thongtla pawl nih ti thianghlim an din (hmuhnak)caah tiin ti thianghlim chiahnak (Water purifier filter) le thil dangdang an herh buaami cu Myanmar tangka fai in ting 200 renglo a hlut hna tiah kan theih.

Image may contain: 6 people, people standing and suit

Cun, ti thianghlim chiahnak (Water purifier filter) le thil dangdang an herh buaami cu Myanmar tangka fai in ting 200 renglo a hlut hna lawng hmanh si loin Insein thonginn chungin tangka camipuai a phi i a awngmi, teinak a hmumi minung (58) hna mi pakhat ah tingkhat (100000MMK) laksawng a pek hna tiah kan theih fawn.

Image may contain: 2 people, people sitting

Rev. David Lah cu pumh khawmhnak tuah in mibu ton pumhnak a tuah tiin thongthlak a si i zeimawzat thong a tlak hnuah Hniang 06|08|2020 ah thlathum an tan hnuah a tlakni zohchih in zarhhnih thongthlak dingin dantat an tuah i Hniang 14|08|2020 ah thonginn a chuak.

Defiant coronavirus-positive pastor could face criminal charges ...

Amah hi ramdangmi Canada rammi sinak a ngeih ruangah thonginn a chuah le cang ka in a umnak ram Canada ram ah kuat a si i Thailand ah a um lio a si tiah kan theih. “Thil khuaruahhar tampi a tuahmi pawl cu kan theih dih kho lo men lai. Asinain khuaruahhar thil a tuahmi pawl cu donghni le philhni a um lai lo,”Job 5:9 (Sayamah:Charity Htoo). Charchan: Ihburlenpictures

Image may contain: 1 person, standing

By Chin Cable Network Channel|Thawngṭha chimtu Saya David Lah cu ramchung in chuahter asi|Thong thlathum thlak a tongmi thawngṭha chimtu Saya David Lah cu August 14 ah Insein thong in a luat cang tiah Insein thong ṭuavo ngeitu pakhat nih a fianternak a tuah.

Image may contain: one or more people, people standing and shoes

Thong in a chuak cang mi Saya David Lah cu Immigration lei ṭuanvo ngeitu pawl sin ah kal pi asi lai i cu dih cun Canada ram tlun ter ding in tuah asi lai tiah a chim chap. “David Lah thong in a chuak cang, Immigration lei ah kan kal ter cang, ram dang mi asi caah asi. Canada ram lei ah tlunter asi lai. Canada ram ah khirh asi lai” tiah ati. Saya David Lah he thongthlak ṭi asi mi U Wai Tun (Nawarat) zong hihnu ni 2 ah thong in a chuak lai tiah a telh chih.

Image may contain: one or more people, people standing, car and outdoor

Clovis-19 zawtnak khenkham lio caan ah nawl chuah mi phung buar in tonpumhnak an tuah timi ruang ah Yangon Region, Mayangone township baiceihnak hmun biaceih an ton asi. Saya David Lah le U Wai Tun (Nawarat) cu Natural Disaster Management Law, section 30 (a) in thla 3 thongthlak ding in August 6 zinglei ah khan baiceih an si. A hmasa ahcun National Disaster Management Law, section 25 in tazacuai an si nain biaceihnak an tuah tik ahcun section 30 (a) in bia donghnak an khiah asi.

Note: Saya David Lah cu August 14 zaan ah khan Canada ram lei ah kuat asi cang tiah theih asi.

Leave a Reply