Rev.David Lah Kong Ahcun Hi Tluk A Ṭhami Um Rih Lo A Ṭha Tuk Hringhran (Thazaag Rak La Ve)

Sermon

Ptr. David Lah tonmi in ralrin/fimchimtu thil Part – 3. 6. Prt. David Lah nih a kenmi le a phuami theology (Pathian Bia Muru) hi mirang nih prosperity theology tiah an timi a si. Cucu, Pathian na zumh/na zumhnak a thawn ahcun na hlawhtling hrimhrim lai, na dam hrimhrim lai, na rum hrimhrim lai” timi a si. Cucaah, an mipi hna cu ‘ka dam cang, ka rum cang’ tiah au lengmang dingin thaa an pek tawn hna. Asinain, ‘ka dam cang’ tiah thih tiang a aumi an um pinah sifaak emem in ‘ka rum cang’ tiah thih tiang a aumi an um ve. Hi bantuk theology a cawnpiaktu hna nih sungh zatlak a tongmi hna, caan sau kuah i a zawmi hna, a sifaak mi hna cu an sual ruangah maw, asiloah an zumhnak a der ruangah a si tiin an hmuh tawn hna.

Canadian pastor faces 3 years in jail for defying Myanmar's ...

Tutan Covid – 19 kongah Ptr. David Lah nih mi zapi theih in “Baibal ningin a zumtu taktak le zumhnak a thawngmi hna cu hi zawtnak nih a phan hrimhrim hna lai lo,” tiah challenge a tuah tikah amah le Khrihfa paoh luat dih u sih law cu kawl buddhist tampi nih kan Pathian an kawl ngai ve hnga. Asinain, a phuanmi prosperity theology ah a failed bak ko. A poi ngaimi cu Buddhists tampi nih cu bantuk hlawhtlinnak lei long a hoihmi theology cu Khrihfa vialte zumhmi theology ah an ruah caah Christianity nih nihsawh a van ton bak ko.

Cucaah, Ptr. David Lah nih a tonmi nih hin kap khat lawng a hoihmi zumhnak (hlawhtlinnak lei lawng hmuhnak) hi a hmaan thlu lo timi fiang tein a kan cawnpiak. Amah zong zawtnak a kai i zumtu tampi nih an kai ve pinah tlaih tiangin a ton. Jesuh le a zultu hna nih, hi vawlei cungah harsatnak nan tong lai lo tiah a cawnpiak bal lo. Paul zong nih, Khrih zum ding lawngin kawh nan si lo i a caah tuar ding zongin kawh nan si” tiah a chim (Phil. 1:29).

7. Tutan i Ptr. David Lah an tlaihmi le taza an cuaimi hi amah le kawlram chung zumtu hna caah thil thaa a si ti in ka hmuh. Zeicahtiah, amah crusade nakin Covid-19 cu minung 100 hrawng nih an vun ngeih tikah a video tete i phungki a challenge nak tete a hmutu zumlotu hna nih amah pinah khrihfa an van kan huat ngaingai. Cucaah, amah himnak pinah zumtu kan himnak caah a minte tal in an tlaih i taza an cuai a herh. Cucu mipi huatnak le thinhunnak daihternak tuahmi thil a si tiin ka hmuh. Cucu kan NLD Cozah fim tuknak cu a si.

Ptr. David Lah hi siizung a tum hnu, quarantine caan a dih bak khan a umnak inn ah lawiter colh si sehlaw phungki le pimi kut in tlaih le hrem le thah a tong men hnga. Taza cuai lo i a chuahtu NLD Cozah cung i duhlonak langhternak caah Khrihfa tampi cungah den le phomhnak a um men ko hnga. Buddhist biaknak luar pawl thinlung ah hin, “muslim khawh in Khrihfa” ti hi a um zungzal mi a si. Hihi philh bak lo ding.

Cucaah, tutan a tonmi hi Rom. 8:28 chung i kan hmuh bantuk in a thaalei in hmuhpiak ko u sih law amah le zumtu caah maw, asiloah Pathian sunparnak caah si hram ko seh. Ka ca a rak reltu vialte nan cungah upatnak le lawmhnak tampi ka ngei. Fimnak, lungnemnak le rakthatnak he Khrih mission tuan cuahmah ko u sih. Credit:‎CK Tiam‎

Leave a Reply