Rev. David Lah cu tuzing ah a voihnihnak biaceih zungah a konglam ceih dingin chuahpi a si. Asinain biaceih zung lei nih a konglam an ceihpiak khawh rih lo ruangah Insein thonginn ah kirpi ṭhan a si tiah theih a si.

Rev. David Lah le U Wai Htun cu Covid-19 phung an buar tiah nawlngeitu sinah report an tuah hna caah May 20 ah an rak tlaih hna i biaceih zungah chuahpi an si. An konglam cu June ni 3 tuni ah ceih ṭhan dingin an ti nain an konglam an ceihpiak khawh rih lo hna caah Insein thonginn ah an kuat ṭhan i an konglam cu June ni 8 ah ceihpiak ṭhan dingin thawn a si.

Rev. David lah zong palik pawl nih an kilvenning le an conghning a ṭha ngaingai. A pawngkam ah meithal putin an dir hnawh. A ralami June 8 ah tlamtling tein an konglam zong an ceih khawh hna i thawngpang ṭha te kan theih khawhnak hnga thlacamnak in bawm cio rih hna usih! Nawlngeitu an rak chim cang bangin Rev. David Lah te hi kum 3 chung thongthlak, tangka in liamter khawh silole kawlram chung luh dingin an kap khawh hna. Asinain zei bantuk dantatnak dah an pek lai te lai ti cu theih a si rih loh.

Note: Vapualauaw nih falam holh a ṭialmi Laiholh in kan lehcinmi a si.