Hih Laipa nih cun theih phu le theihhngalh tlak a si ko kan ti ruangah kan rak thlahzamhmi a si. Relnuam Taktak Nungak Pakhat Biathli Pasal Dingah Ka Uarmi Pa Cu:Pasal ca ding ka uarmi pa nih zeitluk in dah chawva a ngeih i a rum timi ka zoh lo. Keimah kutke te dir khawh tu kaa zuam zungzal.

Pasal ca ding ka uarmi pa kha zeitluk in dah a fim i a thiam timi ka zoh lo. A fimthiamnak hna kha ka caah biapi an si lo. Keimah a ka dawmi a si cun a za. A muisam dawh le pumrua that ka zoh lo, thianghlim te  aummi le umtu hawiher, biachim thiammi a si cun ka caah  a za. Nikhat chung suimilam 24 chung ka caah caan a pe khomi pa ka zoh lo, aa manh caan teah ka caah caan a pe thiammi ka zoh deuh.

Rian tuan lo in thilthuam tha ngai he aa chawhmi pa ka zoh lo, thurhnawm ngai in rian a tuanmi pa tu ka zoh deuh. A rum ngai tung i heh tiah minek hmangmi le volhpamh hmangmi pa ka zoh lo, sifak te a si zongah aa toidawrmi le a nuazia dawhmi tu ka zoh hna. A minthangmi le mipi theihmi pa ka zoh hna lo. Nupi le chungkhar tha te a zohkhenh i a cawm kho tu dingpa  ka zoh deuh.

Unau nupa ngeihchiah par ah nuam ngai a nungmi pa ka zoh hna lo, mah kutke te a dirmi pa tu ka uar hna. Thil puan fenh eih thatha aa tawnmi pa ka zoh lo, sifak te a si zongah dinfelnak a tanhmi pa ka uar deuh. Muidawh dawh lo kong ka buai lo, zeicathiah ka pasal ding pa hi minta a si lo ti ka fiang. Mi nih zeitluk a kong an ceihphai le soisel  maw timi ka zoh lo, keimah mit ah a dawhmi le  a tlingmi si cun a za.

Note: Hmanthlak hi google ta kan lakmi a si. Tahchunnak ah tiin lainu cheukhat muidawh hmanthlak ka vun tarmi a si. Achiatnak leiin zeihmanh a um lo ti kha nan theihnak lai kan in nawl hna. Hihi Lainu cheukhat nih an chimmi bak a si. Laipa pawl nih cun theih hrimhrim ah attha ko tiah kan rak thlazamhnak a si. Lasi nungak lenhloi rak rel chih.

Lasii Ngaknu he fa a nei mipa. Kan thei theu lai dah lasii ngak nu an i dawhnak kong an chim cio mi hi, mi tampi nih na dawhnak cu an chim lasii ngaknu/tlangval na si ko tiah kan tah chunh tawn theu an rak i dawh tinak a rak si hrim ko. vulei cungah media ca na rel thawngkip na rel mah lak ah hi pawl ca tete zong hi vun rel pah ah a tha ve ko hlah maw ti siaherhnak he.

Thantlang peng a khua le a min thuh mi pa cu, an khua in ramleng a va chuahnak ah lasii ngaknu he an i tong, lasii ngaknu nih cun a rak duhnak a rak sauh cang caah cu pa ramleng a chuah bak cun a sin ah ai langh i, cu pa nih cun a hmuh ve tikah a duh tuk colh ve, cu tikah hmun khat ah cun an um tawn i, an i nuam ngaingai tawn, zanlei a vun tlin i pa kha lawi ai timh pohah lasii nungak nih cun mah ti kan um hi a ho sin hmanh ah chim hna hlah na chim ah cun na chim zan in na thi colh lai tiah bia a cah ta peng.

Cu ti cun caan sau nawn an hung um tikah tlangval pa nih cun lasii ngak nu lo hin a um kho ve ti lo, zingkaa tuan tein a tho i ram veih ai thawh peng nitlak in ram cu a vai tawn i an khua pawl zong an khua ruah a har tuk an ti, cu ti cun a um peng tikah voi khat cu lasii ngaknu kha fa a pawi i fanu dawh tuk mi te khi an ngeih ti a si, ❨ zeitluk in dek duh a nun hnga i a vai dawh hnga lasii fa hrin cu kei cu si ning law a zoh ka cim ti hnga lo ❩ an fa cu a dawh tukah hin tlangval pa te cu a lung hmuih tuk i um tu awk hi a thei kho lo.

Cu ti cun an um peng tikah, tlangval pa te cu a fa a zoh a nupi lasii nungak a zoh ah an khua mi sin i vun i cua hi a duh tuk chim hi a duh tuk a sum peng, cu tikah voikhat cu tlangval pa nih a duhnak le a cua nak vialte cu a sum kho ti lo i khua mi sin ah a chim sual, cu tik ah a zan ah cun a pawfak i a luak hi thi in a luak i saurau lo ah a thi colh tiah an ti. Ka tial mi hi an chimnak ka theih mi a si i an chim ning midangtheih ning chim ning zong ai lo men la lo theihthiam nak he ka lawm.
onlinecabia