Rel Ve Hrim. Politician Pawl Cu Atu Le Tu An I Thleng Lai. Nain Miphun Si Nak Cu Zeitik Hmanh Ah AaThleng Lai Lo

Chin News

Mah miphun ttanh cu zeitik poah ah i uang (proud) ding khi asi. Politician pawl tu cu mizei an si hmanh ah i uang (proud) ngai khin vote pek ding khi an va si lem lo. (A herh caah kan hei vote tawn hna i asi.) Tukum Chin state election ahcun a fawinak in chim ahcun Chin party vs Kawl party asi ko. An hram ve ve zoh in cucu el-awk ttha lomi asi.

Hakha Peng ah Chin Party CNLD Le NLD Ai Zuam Ding Mi Hna - LAIHOLH NEWS

Hi hna phu hnih karlak showdown ah hin Kawl party ma a tthawng lai (silole) Chin party dah a tthawng te hnga? Politician pawl cu a tu lelek an i thleng lai, an tlau te ko lai. Miphun sinak tu cu ai thleng lai lo, a tlau lai lo. Mah miphun sinak ah a dirmi ma kan si deuh lai? Silole politician pawl ahdah a dirmi kan si deuh? Salai Van D Ceu

Relchih>>>>>Federal Democracy le Democracy Federal biafang hman ningah Tlangcungmi le Pimah Party NLD karlak ah i theihthiam lonak nganpi a rak chuak. Tlangcungmi nihcun Federal Democracy biafang hi kan duhmi asi i, Democracy Federal biafang cu kan dohmi asi. NLD nih cun a bia fang ah buai ding aum lo a sullam le amuru cu aa khat mi asi ko anti ve.

Ruah awk aum ve micu, ziah a sullam le a muru aa khat komi asi ah Tlangcung mi nih kan duhning in FEDERAL DEMOCRACY tiah tazavuan in an ti duh hoi lo tihi lunghrinh tlak asi. NLD Cozah an chuak ka August 2016 ting kha cu FEDERAL DEMOCRACY tiin an rak hmang peng ko. 2016 August in DEMOCRACY FEDERAL tiah biafang hmanning an thleng hi asi. Cucaahcun Tlang cung Ramkhel phu pawl he i zumh lonak fak piin a rak chuak.

NLD nih Cozah an Tlaih Ka ahcun Federal Democracy tiin biafang an rak hman ko. 2016 April 18 Kawl Kumthar (Titoih Puai) TV biachimnak ah Daw Aung San Suu Kyi nih rampi theih in FEDERAL DEMOCRACY ti biafang cu a rak hmang. 2016 June 28 PPST meeting zongah Aung San Suu Kyi hrimhrim nih FEDERAL DEMOCRACY ti biafang cu hman dingin NCA sin ah ceihhmai dingin biasu a rak tung. (NLD cozah ansi hlan pohpoh ahcun Federal Democracy tiin ASSK nih biafang a hman) 2016 August thok in FEDERAL hmasa tiloin DEMOCRACY FEDERAL tiah an thleng

2016 June chuak Myanma Alin News ah Kawl ram cu DEMOCRACY FEDERAL in serding tiah an than. 2016 August 30 Union Hlutdaw ah biafang hman ning he pehtlaiin Democracy Federal tiah siseh tiin Vote in hnatlak nak an tuah. 2016 August 31 Panlong Assemble ah Daw Aung Sang Suu Kyi nih Democracy Federal tiin a voi khat a biafang a thleng nak asi. 2016 Oct 15 NCA Anniversary ah Daw Suu nih Democracy Federal tiah a hmang rih.

2020 Feb 12 Panlong Union Day (ပြည်ထောင်စုနေ့) ah Daw Suu nih Democracy Federal tiin biafang a hmang. 2020 Feb 13 U Aung San darlem phun ni ah President Win Myint nih Democracy Federal tiin biafang cu a hmang ve. Democracy Federal le Federal Democracy cu a muru aa dang tuk tiah Tlangcubgmi nihcun kan pom ning asi. Zei dah a muru cu an si? A tawi fiang cemnak in kan chim lai.

DEMOCRACY FEDERAL CU NATION STATE TIMI SYSTEM KALNING ASI: Adikmi Democracy ram ser, cun Tlang cung mi mitlawm deuh (Manority) duhnak kha asi khawh chung zulh le duhpiak ve i, Baho ukhruainak zong kha țhumh ve ko nain hrawk dih fawn lomi mi tam deuh BAMA MIPHUN nih hruai mi Amyotha Naing ngan daw (Nation State) Asi. (Nation State of Burma Buddist Majority).

Asullam cu Democracy Rampi ser i, Tlangcung mi caah Federal Uk hruai nak hei serpiak ve. Asi nain an mah BAMA (Pimah) tu kha cu Federal in ser țunglo in Democracy lawng in i ukhruai i Sut tung bantuk covo lak khi asi. A tawi fian cemnak i chim ahcun BAMA STATE tallomi Federal ram khi a muru asi. (Bama pawl caah Federal State ser loahcun Federal Ram a si kho taktak lai lo.) FEDERAL DEMOCRACY CU STATE NATION TIMI SYSTEM KALNING ASI

Tlangcung miphun nih kan duhmi cu Mitlawm deuh (Minority) asimi tlangcung miphun COVO humhimnak ding caah ramkomh i hmun khat teah ramsermi asi (State Nation of multiple ethnic nationalities with coming together). A suallam cu Milu tam deuh Bama le Milu tawm deuhmi Tlangcungmi dihlak hmunkhat te ah tlukrual tein Federal State serding asi tinak asi. Bama miphun ca zongah Bama Federal State an i ser ve a hau tinak asi. Federal States komh in sermi Democracy ram kha Federal Democracy sullam cu asi ko.

Democracy Federal tihi Hlawtdaw nih Vote in an fehter cangmi cu asi. ..Federal ser hmasa tile Democracy ser hmasa ti khi a sullam taktak cu asi lem loh. Mah nakin a thuk i țih zong a nung deuhmi asi. NLD nih Democracy Federal system in an kan hruai ahcun Chinmi nih kan duhmi Federal kan hmu kho lai lo ti zong phan awk aum. Jacob R. Thang

Leave a Reply