Ramtumnak In Kawlram Tlun Aa Timmi Nih Theih Ding Le Ralrin A Herh Taktak Mi

Chin News

Ramtumnak In Kawlram Tlun Aa Timmi Nih Theih Ding Le Ralrin A Herh Taktak Mi: Citizenship ngah hlan ah Kawlram tlun aa timmi caah ralrin a herhnak: Refugee asimi nih citizenship ngah hlan ah, mah chuahkehnak ram ‘country of origin’ va kir-va tlawn cu upadi he aa kalhmi asi. Mah chuahkehnak ram ah an him lo, an ti caah dakaw refugee cun aa kan laaknak asi ne cuu!

Image result for us citizenship"

Asinain zeimaw chungkhar damlo ruang le thil biapi um ahcun citizen si hlan ah mah ram ah va tlawn ta duak khawh asi ko. Amahbelte refugee pakhat nih citizen si hlan ah mah chuahkehnak ram ah tlun na duh ahcun, tlunnak ca-uk ‘Travel Document’ na sok tikah zeiruang ahdah nan ram ah na tlun a herhnak kong ‘reason’ ttha tein mirang ca in na ttial chih hrimhrim a herh.

Aruang ttha tein ca in na ttial chih lo ahcun hmailei ah citizen na sok tikah maw? chungkhar laaknak tuah tikah maw-piahtana a um kho. Citizenship ngah hlan ah Kawlram tlun aa timmi cu hmailei piahta ton sualnak hnga lo, ruahnak pek a duhmi cu ka inbox te uh. Salai Van D Ceu

Image result for us citizenship"

Relchih. Ralrin a herhnak: Ralzaam in US a rami poah nih, green card nan sok tikah siseh, citizenship nan sok tikah siseh, chungkhar laaknak nan tuah tikah siseh-ralzaam nan rak sok lio ii nan case ning tein zuldawi peng uh, refugee nan sinak nan case lengin pat hlah uh.

Cun, nu le va pawl ii tthit-umnak nithla ai theih ti lomi, a philh cangmi poah, nan ruahnak in, ttial hmang hlah uh. Form nan phit tikah na theih ti lomi cu: Unknown ti-ah ttial ko uh. A kum lawng nan theih ii, a nithla nan theih ti lo cun: Unknown-2019 tibantuk in ttial uh. Immigration lei he aa pehtlaimi cu thilfa tete zong ralrin thiam a hau. Mi dang tuahpiakmi, amah tein ai tuahmi-piahtana ton hnu ah, ka phisin mi a tlawm ti lo. Ralrin thiam i zuam hna usih.

 

Leave a Reply